विराटनगर । मोरङको बुढीगंगा गाउँपालिका २ अमाहिमा एक जना महिलाको शव बोराभित्र भेटिएको छ ।

पहिचान नखुलेकी अन्दाजी ३५ वर्षीया महिलाको शव बोराभित्र भेटिएको हो ।

स्थानीय नरसिंह चौधरीको घरमा बोराभित्र हालेको अवस्थामा शव भेटिएको मोरङ प्रहरी प्रबक्ता डिएसपी टीकाबहादुर कार्कीले जानकारी दिए ।

प्रहरीले घटनामा सम्लग्न रहेको आरोपमा तीन जनालाई नियन्त्रणमा लिएको छ । महिलाको घाटीमा चोट रहेको प्रहरीले जनाएको छ ।