नयाँ दिल्ली । मुलायम सिंह यादव, जाकिर हुसेन, केएम बिरला र सुधा मूर्तिसहित १०६ जनालाई यस वर्षको पद्म अवार्ड प्रदान गरिएको छ। सरकारले ७४औँ गणतन्त्र दिवसको अवसरमा समाजमा विशेष योगदान गरेका १०६ जनालाई उक्त अवार्ड प्रदान गरिएको हो।
पद्म पुरस्कार – देशको सर्वोच्च नागरिक पुरस्कारहरूमध्ये एक हो। पद्म विभूषण, पद्मभूषण र पद्मश्री गरी तीन विधामा उक्त सम्मान प्रदान गरिन्छ। कला, सामाजिक कार्य, सार्वजनिक मामिला, विज्ञान, इन्जिनियरिङ, व्यापार र उद्योग, चिकित्सा, साहित्य र शिक्षा, खेलकुद, नागरिक सेवा, आदि जस्ता गतिविधिहरूको विभिन्न विषय र क्षेत्रहरूमा उत्कृष्टता प्रदर्शन गर्नेलाई पद्म पुरस्कार प्रदान गरिन्छ।
समाजवादी पार्टीका दिवंगत अध्यक्ष यादवलाई सार्वजनिक मामिलाको क्षेत्रमा पद्मविभूषण प्रदान गरिएको हो। हुसेनले कलाको क्षेत्रमा पद्मविभूषण प्राप्त गरेका थिए भने बिरलाले व्यापार र उद्योगका लागि पद्मभूषण पाए। सुश्री मूर्तिले सामाजिक कार्यका लागि पद्मभूषण पाएकी थिइन्।
स्वर्गीय लगानीकर्ता राकेश झुनझुनवाला, अभिनेत्री रविना टन्डन र मणिपुर बीजेपी अध्यक्ष थौनाओजम चाओबा सिंहलाई पनि पद्म पुरस्कारले सम्मानित गरिएको छ।
प्रधानमन्त्री नरेन्द्र मोदीले ट्वीट गर्दै अवार्ड प्राप्त गर्ने सबैलाई बधाई दिएका छन्। ‘भारतले राष्ट्रको लागि उनीहरूको समृद्ध र विविध योगदान र हाम्रो विकासको गति बढाउनको लागि उनीहरूको प्रयासको कदर गर्दछ,’ उनले भने।
पद्मविभूषण असाधारण र विशिष्ट सेवाको लागि सम्मानित गरिएको छ; उच्च श्रेणीको विशिष्ट सेवाको लागि पद्मभूषण, र कुनै पनि क्षेत्रमा विशिष्ट सेवाको लागि पद्मश्री अवार्ड प्रदान गरिन्छ। यी पुरस्कारहरू प्रत्येक वर्ष मार्च र अप्रिलमा राष्ट्रपति भवनमा हुने औपचारिक समारोहमा राष्ट्रपति द्रौपदी मुर्मुले प्रदान गर्नेछन्।
यस वर्षको सूचीमा पद्मविभूषण, नौ पद्मभूषण र ९१ पद्मश्री पुरस्कारहरू समावेश छन्।
