नेकपा एमालेका अध्यक्ष केपी शर्मा ओली र उपप्रधान तथा गृहमन्त्री रवि लामिछानेबीच भेटवार्ता भएको छ ।
एमाले अध्यक्ष ओलीलाई भेट्न शनिबार बिहान गृहमन्त्री लामिछाने ओलीको निजी निवास भक्तपुरको बालकोट पुगेका हुन् । उनीहरूबीच समसामयीक विषयमा कुराकानी भएको बुझिएको छ । गृहमन्त्री भएपछि आज दोस्रोपटक लामिछाने बालकोट पुगेका हुन् ।
मंगलबार गृहजिल्ला झापा पुगेर फर्किएका अध्यक्ष ओलीलाई भेट्न राष्ट्रिय स्वतन्त्र पार्टीका अध्यक्षसमेत रहेका गृहमन्त्री रबि लामिछाने, अर्थमन्त्री विष्णु पौडेल साँझ अबेर बालकोट पुगेका थिए ।
आज बिहानै लामिछानेले प्रधानमन्त्री पुष्पकमल दाहाल “प्रचण्ड” सँग बालुवाटारमा भेटघाट गरेका थिए ।