उपप्रधानमन्त्री तथा गृहमन्त्री रबि लामिछाने निजी निवासबाट सरकारी निवासमा सरेका छन् । बिहीबार लामिछाने हरिहरभवनस्थित मन्त्री क्वार्टरमा सरेका हुन् । उनी पूजापाठ गरेरे निवास प्रवेश गरेका थिए ।
गृहमन्त्री लामिछानेलाई सेनाको एक टुकडीले सलामी दिएको थियो । राष्ट्रिय स्वतन्त्र पार्टीका अध्यक्ष समेत रहेका लामिछानेलाई नेपाली सेनाको एक टुकडीले सलामी दिँदा पिर्का भने राखिएको छैन ।
सार्वजनिक भएका तस्बिरमा गृहमन्त्री पत्नी निकिता पौडेलसँगै लामिछानेले पूजापाठ गरेको देख्न सकिन्छ । नवनियुक्त प्रधानमन्त्री पुष्पकमल दाहाल “प्रचण्ड” पनि ज्योतिषलाई साइत जुराएर मात्र बालुवाटार प्रवेश गरेका थिए ।