रुपन्देही निर्वाचन क्षेत्र २ मा प्रतिनिधिसभा सदस्य निर्वाचनमा पुनः मतदानको माग गर्दै राष्ट्रिय स्वतन्त्र पार्टीबाट उम्मेदवार बनेका गणेश पौडेलले सर्वोच्च अदालतमा रिट निवेदन दर्ता गरेका छन् ।
निर्वाचन अधिकृतको कार्यालयले एमालेका विष्णु पौडेललाई अनियमित रुपमा निर्वाचित भएको घोषणा गरेको आरोप लगाउँदै उक्त परिणाम बदर गरी पुनः मतदान तथा मतगणनाको माग गरी गणेशले रिट निवेदन दायर गरेका हुन् ।
उनी एमालेका पौडेलसंग १ हजार ३ सय ६६ मतान्तरले पराजित भएका थिए ।
यस क्षेत्रमा सत्ता गठबन्धनतर्फ एकीकृत समाजवादीका उम्मेदवारसहित तीन जनाको उम्मेदवारी निर्वाचन आयोगले खारेज गरिदिएको थियो ।
कुनै सल्लाह, सुझाव वा प्रतिकृयाको लागि [email protected] मा इमेल पठाउन सक्नुहुन्छ ।
