स्याङ्जा प्रतिनिधिसभा निर्वाचन क्षेत्र नम्बर २ मा नेपाली कांग्रेसले मतान्तर फराकिलो बनाउँदै लगेको छ । कांग्रेसका उम्मेदवार धनराज गुरुङ र एमाले उम्मेदवार पद्मा अर्यालबीचको पाँच हजार ९७५ मतको फरक छ ।
गुरुङले २९ हजार ५६६ मत ल्याउँदा अर्यालले २३ हजार ५९१ मतसहित पछ्याइरहेकी छन्। राष्ट्रिय स्वतन्त्र पार्टीका टीकराज गुरुङले सात हजार ७५३ मत पाएका छन् ।
मृतक व्यक्तिको नाम मतदाता नामावलीमा समावेश भएको भन्दै विवाद भएपछि त्यहाँको मतगणना ढिला गरी सुरु भएको हो ।