सुनसरी निर्वाचन क्षेत्र नम्बर ३ मा नेकपा एमालेकी भगवती चोधरी निर्वाचित भएकी छन् ।
४० हजार सात सय ८८ मत प्राप्त गर्दै चौधरी निर्वाचित भएकी हुन् । उनले नेपाली कांग्रेसका विजयकुमार गच्छदारलाई पाँच हजार एक सय ८८ मतान्तरले पराजित गरिन् । गच्छदारले ३५ हजार छ सय मत प्राप्त गरे । पूर्व राज्यमन्त्री समेत रहेकी चौधरी तेस्रोपटक विजयकुमार गच्छदारसँग चुनावी प्रतिस्पर्धामा थिइन् ।
उनले २०७० सालको दोस्रो संविधानसभा निर्वाचन र २०७४ सालको सङ्घीय निर्वाचनमा विजयकुमार गच्छदारसँग झिनो मतान्तरले पराजित भएकी थिइन् । चौधरीले दुई पटकको हारलाई यस पटक जितमा परिणत गरेकी हुन्
यस्तै राष्ट्रिय स्वतन्त्र पार्टीका उम्मेदवार कमलबाबु मैनालीले छ हजार चार सय ५३ मत प्राप्त गरे ।