२०७४ को निर्वाचनमा वाम गठबन्धनबाट चुनाव जितेका ईश्वर पोखरेललाई प्रधानमन्त्री केपी शर्मा ओलीले रक्षामन्त्री बनाए। कोरोना महामारीको चरम समयमा देशभरका नागरिकहरु विचल्लीमा हुँदा रक्षा मन्त्री पोखरेल भने जनताको करमा नै मोजमस्ती गरिरहेका थिए।
उनले भ्रष्टाचार गरेको भन्दै ओम्नी काण्डमा मुछिएपछि ओलीले उनलाई बिनाविभागीय मन्त्री बनाए। उनको मन्त्रालय खोसिनुको प्रमुख कारण रक्षामा एकपछि अर्को विवाद हुनु र खराब काम गरेको भन्ने गुनासो प्रधानमन्त्री ओली सामु पटक–पटक पुग्नुलाई मानिएको थियो। नेपालमा कोभिड–१९ को आगमनसँगै पोखरेलले गरेका काम र रक्षा मन्त्रीको रुपमा नेपाली सेनाभित्र लगातारको हस्तक्षेपका कारण पोखरेललाई रक्षा मन्त्रालयबाट मुक्त गरिएको थियो।
सेनाले विमानमा एउटा सामग्री ल्याउनको लागि सूची पठाए पनि अर्को सामग्री विमानमा राखेर नेपालमा ल्याइएको थियो। सेनाले एउटा रुपमा अघि बढाउन आएको तर रक्षामन्त्रीका कारण काम गर्न गाह्रो भएको प्रधानसेनापति थापाले नै बताएका थिए। यसरी आफ्नो व्यक्तिग स्वार्थ र आर्थिक लाभलाई केन्द्रमा राखेर जनताको कर र भरोसमाथि आक्रमण गर्ने पोखरेल अहिले काठमाडौं-५ मा स्वच्छ छवि भएका प्रदीप पौडेलविरुद्ध मैदानमा छन्।
अहिले ईश्वर पोखरेलविरुद्धको मुद्दा अख्तियारको छानबिनको दायरमा छन्। अख्तियार प्रमुख प्रेम राई भएका कारण पोखरेलको मुद्दालाई थाँती राखिएको छ। ओलीकै निर्देशनमा उनको मुद्दा थाँती राखिएको हो। महामारीकै समयमा अन्तन्त अपारदर्शी तरिका अपनाइएको स्वास्थ्य सामाग्री खरिद का,ण्डको छनबिन हुने भएपछि त्यससँग जोडिएका नेता तथा राजनीतिज्ञहरू तनावमा परेका थिए।
पछि ओलीले सेटिङमा उक्त मुद्दा रोक्न आग्रह गरेका हुन्। सार्वजनिक लेखा समितीले रक्षामन्त्तीको संलग्नतामा भ्रष्टाचार भएको निष्कर्ष निकालेको थियो। उक्त प्रकरणमा लागत अनुमान नगरी खरिद गरेको, सरकारी संयन्त्रलाई थाहै नदिई मन्त्रीका सल्लाहकारले शंकास्पद प्रक्रिया अगाडी बढाएको, टेन्डर स्थगित गरेर एकाएक खरिद गरिएको, खरिदसम्बन्धी स्वीकृति लिन मन्त्रालयले बनाएको प्रस्ताव मन्त्रिपरिषदमा पेश नगरिएको, सम्झौता रद्द भइसक्दा पनि क्षतिपूर्ति लिन पहल नगरेको र खरिद गरिएका सामग्रीहरू कमसल रहेको भन्दै समेत लेखा समितीले गरेको छानबिनबाट खुलेको थियो ।
जनतालाई संकट पर्दा सत्ता स्वार्थमा लागेको, भ्रष्टाचार गरेको, जनताका आकांक्षालाई बेवास्ता गरेको भन्दै पोखरेलविरुद्ध अहिले जनता नै आक्रोशित बनेका छन्।
