काठमाडौं महानगरपालिकाले अवैध संरचना र अव्यवस्थित रुपमा सञ्चालनमा भइरहेको फुटपाथका व्यापारलाई हटाउने अभियानलाई तीव्रता दिएको छ । महानगरपालिकाको प्रहरीले मंगलबार असन क्षेत्रका फुटपाथको व्यापार हटाउन थालेको छ ।
इन्द्रचोक क्षेत्रमा अव्यवस्थित रुपमा सञ्चालनमा भइरहेको पार्किङ, मन्दिर वरिपरिको व्यवसाय हटाइरहेको महानगरले फुटपाथमा राखिका पसलहरु पनि हटाउन सुरु गरेको हो । यस क्षेत्रका फुटपाथको व्यापार हटाउने कामसँगै अव्यवस्थित हुने गरेको पार्किङ पनि व्यवस्थापन गर्ने काम भइरहेको नगर प्रहरीको भनाई छ ।
महानगर प्रहरीमा कार्यरत सई लोकनाथ चुँडालका भन्छन्, “यो २५ नं वडामा पर्छ त्यही वडा कमिटिको एकमतको निर्णयले नै यो भत्काईएको हो । हामी सबैलाई बोलाएर छलफल गरेर २४ घण्टाको नोटिस टाँसेको हो । निर्णय भएअनुसार हामीले यसलाई भत्कायौं । यो सरसरती तपाईको नाङयो आँखाले हेर्दा सर्वाजनिक हो भन्ने प्रमाणित हुन्छ । ”
तर, स्थानीयहरु भने वडाको रिसिवीको कारणले भत्काउन लागेको बताउँछन् । उनीहरुले २१ वर्षदेखि पसल चलाउदैँ आएको बताउँदै वडा र वडाध्यक्षको रिसीभीले कारण भत्काउन खोजिएको आरोप लगाउँछन् ।
स्थानीयबासी कुमार क्षेत्री भन्छन्, “यो कुनै मातहत बाट भएको हैन् । नगरपालिकाबाट पेपर ल्याएर हामीलाई निकाल्नै खोजिएको त हैन् । भत्काउन खोजेको भए माहानगरबाट वडामा पेपर आउथ्यो होला अहिले वडाले रिसिविको कारणले हो । जस्तो पहिला एमालेको सरकार थ्यो । वडामा अर्कै मान्छे थ्यो अहिले काँग्रसको सरकार आउने बित्तिकै हाम्रो पसलप्रति रिसिवि भयो ।”
उनले थपे, “दुई चार जनालले उकासेको भरमा वडा अध्यक्ष कुरा गर्न चाहानुहुन्न गयो भने सचिव संग भेट यता जा उता जा यो त उहाँको जिम्मेवारी होनि यो हटाउने भएपछि केही उत्तर दिनुपर्छ नि खालस् सार्वजनिक जग्गामा राख्या छ भन्या छ । आज राखेको पसल हैन नी यो ।”
असनका साँघुरा गल्लीका दुबैतिरको फुटपाथमै पसल थापेपछि यात्रुहरुलाई आउजाउ गर्न समस्या हुने गरेको छ । असन क्षेत्रमा हिँड्ने मान्छेका लागि फुटपाथमा राखेका भाँडाकुँडा, क्रिष्टलका सामग्रीहरु, खेलौना पसल, फेन्सीका सामान, माटाका सामग्रीहरु भोलि बिहानसम्म हटाउन निर्देशन दिएको छ ।
थप तस्बिरहरू