नेपाल विद्यार्थी संघ त्रिचन्द्र क्यापसले कांङ्ग्रेस नेता प्रदीप गिरिको स्वास्थ्यलाभको कामना गर्दै शनिबार त्रिचन्द्र क्याम्पसमा दीप प्रज्वलन गरेको छ ।
नेपाली कांग्रेसका नेता तथा सासंद प्रदीप गिरिको शरीरका धेरै अंगहरूले काम गर्न छाडेपछि उनी हाल ललितपुरको मेडिसिटी अस्पतालमा उपचाररत छन् ।
शनिबार भारती सिलवाल गिरिले जारी गरेको एक प्रेस नोटमा गिरिलाई निमोनियाले एकदमै चापेको र पछिल्लो पटक शरीरका थुप्रै अंगहरूले काम गर्न छाडेको बताइएको छ ।
ललितपुरको मेडिसिटी अस्पतालमा उपचाररत गिरिलाई क्यान्सर देखिएपछि भारत लगेर उपचार गरिएको थियो। पछि उनमा निमोनिया र क्यान्सरका असरहरू देखिन थालेपछि मेडिसिटी अस्पतालमा भर्ना गरिएको परिवारले जनाएको छ ।
‘अस्पतालको सम्पूर्ण टोली अन्कोलोजिस्ट, पल्मुनोलोजिस्ट, ग्यास्ट्रोएनटेरेनोलोजिस्ट, नेफ्रोलोजिस्ट, इन्टरनिस्ट र क्रिटिकल केयरका विशेषज्ञहरूले गिरिको समय समयमा स्वास्थ्य चेकअप गरिरहनुभएको छ र टिमले उनको स्वास्थ्य लाभको लागि सक्दो प्रयास गरिरहेको छ,’ भारतीले जारी गरेको प्रेस नोटमा भनिएको छ।
स्वास्थ्यमा समस्या देखिएपछि एक साताभन्दा लामो समयदेखि गिरी ललितपुरस्थित मेडिसिटी अस्पतालमा उपचारत छन्। उनी घाँटीको क्यान्सरसम्बन्धी समस्याबाट पीडित छन्। पछिल्लो केही दिनयता गिरीलाई निमोनियाले समेत च्यापेको छ। उनी यसअघि भारतमा उपचार गराएर फर्किएका थिए।
कांग्रेस महामन्त्री विश्वप्रकाश शर्माले यतिबेला उनलाई प्रार्थनाको जरुरी रहेको बताएका छन्। उनले सामाजिक सञ्जालमा लेखेका छन्, ‘अनेक हल्लाहरु केवल हल्ला मात्र हुन्। जीवनका लागि संघर्षरत आदरणीय अग्रज बौद्धिक व्यक्तित्व प्रदिप गिरी अस्पतालबाट स्वस्थ भएर घर फर्किन सक्नुहोस्। सबैले यहि कामना गरौं!’
शुक्रबार दिउँसो कांग्रेस नेता बिमलेन्द्र निधि अस्पतालमै पुगेर गिरीको स्वास्थ्य अवस्थाबारे बुझेका छन्। अस्पतालबाट फर्केर गिरीको स्वास्थ्य लाभको कामना गरेका थिए। निधिले भनेका छन्,’मेडिसिटीमा दोस्रो पटक प्रदिप गिरीलाई भेटेर बाटोमा फर्किदैछु। स्तब्ध र निरिह छु। ईश्वरी चमत्कारका लागि प्रार्थना गर्दछु। सबैले प्रार्थना गरौं।’
थप तस्बिरहरू
