नागरिकता बिधेयकको बिरोधमा नेपाल मजदुर किसान पार्टीले आज संसद भवन नयाँ बानेश्वर नजिक बिरोध सभा गर्दै छ ।
कोटेश्वरमा भेला भइ बिरोध प्रदर्शन सहित मिनभवन आएका उनीहरुले मिनभवनको सडक मै बिरोध सभा गरेका छन् । सभालाइ नेमकिपाका केन्द्रिय नेताहरुले सम्बोधन गर्दैछन् । संसदबाट पास भइ राष्ट्रपति समक्ष प्रमाणीकरण गर्न पुर्याइएको बिधेयकलाइ राष्ट्रपतिले पुनर्बिचार गर्न भन्दै पुनः संसदमा फर्काएकी थिइन् ।
प्रतिनिधिसभा र राष्ट्रियसभाले पारित गरेपछि १५ साउनमा सभामुख अग्निप्रसाद सापकोटाले प्रमाणीकरण गरेर पठाएको १४ औं दिनमा राष्ट्रपतिले उक्त विधेयक प्रतिनिधिसभामै फिर्ता पठाएकी छन् ।
राष्ट्रपति कार्यालयले आइतबार साँझ प्रेस विज्ञप्ति जारी गर्दै भनेको छ, ‘राष्ट्रपतिज्यूसमक्ष प्रतिनिधिसभाका सम्माननीय सभामुखज्यूबाट प्रमाणित भई नेपालको संविधानको धारा ११३ को उपधारा (२) बमोजिम प्रमाणीकरणका लागि पेश हुन आएको नेपाल नागरिकता ऐन, २०६३ लाई संशोधन गर्न बनेको विधेयकमा नेपालको संविधान बमोजिम नागरिकता प्राप्ति सम्बन्धी विषयमा संघीय संसदबाट पुनर्विचार हुन आवश्यक देखिएकोले नेपालको संविधानको धारा ११३ को उपधारा (३) बमोजिम सन्देशसहित यो विधेयक सम्माननीय राष्ट्रपतिज्यूले प्रतिनिधि सभामा फिर्ता पठाउनु भएको छ।’
आज सोही बिधेयकको बिषयमा संसदमा छलफल हुँदै छ ।
तस्बिरहरू