निर्वाचन आयोगले आज बुधबारदेखि दल दर्ताका लागि पेस भएका निवेदनबारे जाँचबुझ गर्ने भएको छ।
आउँदो मंसिर ४ गतेका लागि तोकिएको प्रदेश सभा र प्रतिनिधि सभा निर्वाचनका लागि निवेदन दिएका सबै दलको निवेदनमा आयोगले जाँचबुझ गर्न लागेको हो। आयोगले दिएको समयसीमा मंगलबारसम्म ८४ वटा दलले दर्ताका लागि निवेदन दिएका छन्।
आयोगका अनुसार सुरुमा दलहरूले बुझाएका कागजातबारे अध्ययन गरिनेछ। त्यसपछि दलहरूलाई दर्ताका लागि आयोगमा पेस गर्ने काम सुरु हुनेछ ।
२०७४ सालको संघीय निर्वाचनमा स्वतन्त्रसहित ५६ दलहरूले निर्वाचनमा भाग लिएको भएतापनि एक स्वतन्त्रसहित १० दलहरूका उम्मेदवार निर्वाचित भएर सासंद बनेका थिए ।
भर्खरै सम्पन्न भएको स्थानीय तह सदस्य निर्वाचनको उम्मेदवारी मनोनयन गर्दा स्वतन्त्रसहित ८० दल सहभागी भएकोमा अन्तिम नामावली प्रकाशन गर्दा ६६ मा सिमित हुन पुगे । निर्वाचनको नतिजा आउँदा स्वतन्त्र सहित २५ दलका उम्मेदवार निर्वाचित भएर जनप्रतिनिधि बन्दा कमल थापा अध्यक्ष रहेको राप्रपा नेपाल सहित ४० दल बढारिन पुगेका थिए ।
