गत वैशाख ११ र १२ गते भने उम्मेदवारी मनोनयनमा स्वतन्त्रसहित ६५ वटा दलले निर्वाचनमा भाग लिएका थिए । तर अहिले नतिजा सार्वजनिक हुँदा स्वतन्त्रसहित २५ दलका उम्मेदवार मात्र जनप्रतिनिधिमा निर्वाचित भए ।
एक जना वडा सदस्य पनि निर्वाचित गर्न नसक्नेमा दलमा कमल थापाको राप्रपा नेपाल समेत छ । फेरी कमल थापा त एमालेको सूर्य चिह्न लिएर निर्वाचनमा गएको कसरी विजयी हुन्छ भन्ने प्रश्न मनमा आउन सक्छ ।
निर्वाचन आयोगले मनोनयन फिर्तापछि प्रकाशन गरेको अन्तिम नामावलीमा रहेका १ लाख ४५ हजार १३ जना उम्मेदवारको मध्येमा राप्रपा नेपालबाट १८ नगरप्रमुख सहित २४६ जनाले उम्मेदवारी दर्ता गराएका छन् ।
निर्वाचन आयोगलेको विवरणमा निर्वाचित हुने दलहरूमा राप्रपा नेपाल सहित ४० अन्य दलहरूको नाम निसाना नै छैन । यी सबै दल स्थानीय चुनावमा बढारिएका हुन् ।
यसरी बढारिने दलमा नाम सुनिएको अर्को पार्टी हो ‘नेपाल परिवार दल’ । यस पार्टीले पनि एमालेसँग सहकार्य भन्दै निर्वाचनअघि समाचारहरू नआएका हैनन् । तर उक्त पार्टीबाटै दुई जना नगरप्रमुख सहित ३४ जनाले मनोनयन दर्ता गराए । तर ती सबै बढारिए ।
यसरी बढारिएका पार्टीले खासै ठुलो सङ्ख्या उम्मेदवारी दर्ता गराएका थिएनन् । कुल तीन हजार ५३० जना उम्मेदवार दिए सबै पार्टीबाट सबै पदको लागि तर तीमध्ये एक जना पनि निर्वाचित हुन सकेनन् ।
सबैभन्दा बढी उम्मेदवारी दर्ता गराएको थियो मंगोल नेशनल अर्गनाइजेसनले । उक्त पार्टीबाट कूल दुई हजार ८३ जना उम्मेदवारहरू चुनावमा सहभागी भएका थिए ।
यी हुन् स्थानीय तहको निर्वाचनमा वडा सदस्य पनि निर्वाचित गर्न नसकेर बढारिएका दलहरू र उनीहरूले विभिन्न पदमा मनोनयन दर्ता गराएका उम्मेदवारको सङ्ख्या