आदिवासी जनजाती पत्रकार महासंघ (फोनिज) को अध्यक्षमा गजुरधन राई सर्वसम्मत भएका छन् ।
चितवनको सौराहामा भएको सातौं संघीय महाधिवेशनबाट नेपाल टेलिभिजन कार्यकारी समाचार सम्पादक राई सर्वसम्मत अध्यक्ष निर्वाचित भएका हुन् ।
अध्यक्षसहित वरिष्ठ उपाध्यक्षमा लक्की चौधरी, महिला उपाध्यक्ष सरु राना, संस्थागत उपाध्यक्ष जगत दोङ, महासचिव मिलन लिम्बू, सचिव संस्थागत छेटु शेर्पा, कोषाध्यक्ष लाला गुरुङ र सहकोषाध्यक्ष सञ्जु ब्लोन सर्वसम्मत भएका छन् ।
खुला उपाध्यक्ष, अल्पसंख्यक उपाध्यक्ष, खुला सचिव, अल्पसंख्यक सचिव लगायतका पदमा भने निर्वाचन भएको छ । निर्वाचनको परिणाम आजै सार्वजनिक हुने नवनिर्वाचित वरिष्ठ उपाध्यक्ष चौधरीले जानकारी दिए ।
महाधिवेशनले ४७ सदस्यीय संघीय समिति निर्वाचित गर्नेछ । महाधिवेशनमा देशभरका ४२४ प्रतिनिधि पत्रकार सहभागी भएको बताइएको छ ।
कुनै सल्लाह, सुझाव वा प्रतिकृयाको लागि [email protected] मा इमेल पठाउन सक्नुहुन्छ ।
