काठमाडौं । युवा तथा खेलकूद मन्त्रालयले आर्थिक वर्ष २०७९/०८० मा प्रदान गरिने युवा पत्रकारिता पुरकारका लागि चारजना पत्रकारको नाम छनोट गरेको छ ।
छनोट हुनेमा अन्नपूर्ण पोष्ट दैनिक र बुटवल टुडे दैनिकमा कार्यरत् प्यूठानका केशरबहादुर रोक्का, कान्तिपुर राष्ट्रिय दैनिक अछामकी मेनुका ढुङ्गाना, नेपाल टेलिभिजन र हिमालय टाइम्समा कार्यरत् बाजुराका प्रकाशबहादुर सिंह र अनलाइनखबर डटकम दाङका विनोद घिमिरे छन्।
मन्त्रालयले गत भदौ ९ गते प्रकाशित गरेको सूचनाका आधारमा असोज ८ गतेसम्म प्राप्त निवेदनको मूल्याङ्कन गरी चारजना पत्रकारको नाम छनोट गरेको सूचनामार्फत जानकारी दिएको छ ।
कुनै सल्लाह, सुझाव वा प्रतिकृयाको लागि [email protected] मा इमेल पठाउन सक्नुहुन्छ ।
