चिनियाँ अधिकारीहरुले धार्मिक अतिवादको आरोप लगाउँदै एक अवकाश प्राप्त कर्मचारीलाई १० वर्षको जेल सजाय तोकेको छ। स्वास्थ्य समस्याको कारण अवकाश लिएकी एक हुलाक कर्मचारीलाई चीनको दक्षिण पश्चिमी प्रान्त सिन्जियाङबाट पक्राउ गरी थप १० वर्ष जेल सजाय तोकिएको हो।
सन् २०१७ मा उनलाई पहिलो पटक हिरासतमा लिइएको थियो। होटन क्षेत्रका एक सेवानिवृत्त हुलाक कर्मचारी, बैइमहान मामुटलाई गम्भीर स्वास्थ्य अवस्थाको कारण अवकाश पाएपछि पक्राउ गरिएको थियो। उनको स्वास्थ्य अवस्था बिग्रिँदै गएपछि दुई वर्ष पछि उनलाई रिहा गरिएको रेडियो फ्री एशियाले जनाएको छ।
अमेरिकामा बस्ने बैइमहानकी छोरी नुरबियालाई उद्धृत गर्दै नजरबन्द शिविरमा रहेका बैम्हन र अन्य बन्दीहरूलाई चिसो कक्षमा राखेर मोजा र जुत्ता पनि खोल्न लगाइएको थियो। ‘आमालाई पछि उनको स्वास्थ्य अवस्थाको कारण रिहा गरिएकी थिइन्, विशेष गरी उभिन वा हिँड्न नसक्ने अवस्था भएपछि रिहा गरिएको हो। मैले थाहा पाएँ कि शिविरमा थुनिएकाहरूलाई निकै यातना दिने गरेको छ,’ छोरी नुरबियाले भनिन्।
सन् २०१९ मा रिहा भएपछि उपचार गराएका बैम्हणलाई २०२० मा पुनः पक्राउ गरी १० वर्षको जेल सजाय सुनाइएको थियो। नुरबियाका अनुसार उनी हाल काशगरको जेलमा सजाय काटिरहेकी छिन्। ‘धार्मिक चरमपन्थी’ को अपराधको लागि सजाय पाएको, बेइमहान ६० वर्षभन्दा माथि रहेको रेडियो फ्रि एसीयाले जनाएको छ।
चीनले सिन्जियाङमा हजारौं मानिसहरुलाई विभिन्न आरोपमा पक्राउ गर्ने र गैरकानुनी हिरासतमा राखेर यातना दिने, जबरजस्ती श्रममा लगाउनेजस्ता गतिविधिहरु भइरहेका छन्।
