पन्जाव प्रान्तमा आम आदमी पार्टीले अप्रत्यासित सफलता प्राप्त गर्ने देखिएको छ । मतगणनाको सुरुवाती मतगणनामा आम आदमी पार्टी विजयउन्मुख देखिएको छ । त्यस्तै, कंग्रेसले पार्टीले केबल १८ सीटमा अग्रता कायम गरेको छ ।
११७ सिट भएको पन्जाबमा आम आदमी ९० सीटमा अगाडि देखिएको भारतीय समाचार संस्था इन्डिइन एक्सप्रेसले जनाएको छ ।
पञ्जाबमा ११७ सिट छन् र एकल सरकार बनाउनका लागि ५९ सिट चाहिन्छ ।
पन्जावमा आपको उदयले देशकै सबैभन्दा पुरानो पार्टी कंग्रेसलाई ठूलो धक्का लागेको छ । पन्जावमा आम आदमीको विजय निश्चत भएसँगै अरबिन्द केजरीवालका लागि दिल्लीबाहिर पहिलो ठूलो सफलता हुनेछ ।
पन्जावमा आपले भागवन्त सिंह मनलाई मुख्यमन्त्रीको उम्मेदवार बनाएको छ । ४८ वर्षीय मन सन् २०१४ मा आम आदमी पार्टीमा प्रवेश गरेका थिए । सन् २०१९ को निर्वाचनमा पन्जाबबाट लोकसभा चुनाव जित्ने आपका एक मात्र उम्मेदवार हुन् ।
बिहीबार पाँच वटा राज्यमा विधान सभा चुनावको मतगणना जारी छ । उत्तर प्रदेश, उत्तराखण्ड, पन्जाब, गोवा र मणिपुरमा मतगणना भइरहेको छ ।
