अमेरिकी सहयोग मिलेनियम च्यालेन्ज कर्पोरेसन (एमसीसी) संसदमा टेबुल भएपछि बानेश्वर क्षेत्र झन् तनावग्रस्त बन्दै गइरहेको छ ।
नेकपा माओवादी केन्द्रको जनवर्गीय संगठन योङ कम्युनिस्ट लिगले गरेको प्रदर्शनले गर्दा बानेश्वर क्षेत्र तनाबग्रस्त बनेको हो ।
प्रदर्शनमा नियन्त्रणमा लिनको लागि प्रहरीले दर्जनौ अश्रुग्याँस प्रयोग गरिसकेको छ भने प्रदर्शनकारीहरूले अश्रुग्याँस प्रहरीतिरै फ्याँकिदिएका छन् ।
प्रदर्शनकारीहरूले प्रहरीमाथि ढुंगा हान्न थालेपछि प्रहरीले पानीको फोहोरा र अश्रुग्याँसले भिडलाई तितरवितर पार्ने प्रयास गरेपनि सफल हुन सकिरहेको छैन ।
बानेश्वर सडक भरी ढुंगा र इट्टाका टुक्राहरू देखिन्छन् ।
प्रदर्शनकारीको ढुंगा प्रहारबाट आठ जना प्रहरीहरू घाइते भएका छन् । घाइते भएका प्रहरीहरूलाई अस्पताल लगिएको छ भने केही मात्रामा प्रदर्शनकारीहरू पनि घाइते भएका छन् ।
अन्य दिनहरूको तुलनामा प्रहरीले संयमता अपनाएको छ । प्रदर्शनकारीहरू नयाँ बानेश्वरको एभरेष्ट होटल आसपास नै छन् । त्यहाँबाट अगाडि बढ्न सकिरहेका छैनन् ।
तस्विरहरू
