पचास करोड डलरको अमेरिकी विकास सहयोग मिलेनियम च्यालेन्ज कर्पोरेसन (एमसीसी)का कारण अहिले सरकारमा सहभागी दल सडकमा आन्दोलन गरिरहेको छ ।
एमसीसीलाई संसद्मा पेस र अनुमोदन गर्ने विषयमा सत्तारुढ दलमध्ये नेपाली काँग्रेस एकातिर र अन्य चार दल नेकपा (माओवादी केन्द्र), नेकपा (एकीकृत समाजवादी), जनता समाजवादी पार्टी, नेपाल र राष्ट्रिय जनमोर्चा अर्कोतिर छन् ।
सरकारको नेतृत्व गरिरहेको काँग्रेस एमसीसी हालकै अवस्थामा अनुमोदन गर्ने पक्षमा छ भने अन्य दल संशोधन नगरी पान गर्न नहुने अडानमा छन् ।
माओवादी केन्द्र र समाजवादी दलका भातृ संगठनहरू सडक आन्दोलनमा छन् । आज संसद् घेराउ कार्यक्रम अन्तरगत विजुलीबजारबाट अगाडि बढिरहेका प्रदर्शनकारीहरूलाई प्रहरीले एभरेष्ट होटेल नजिकै रोकेको छ ।
समाजवादी समर्थित युवा संघले टायर बालेर प्रदर्शन गरिरहेका छन् भने माओवादी समर्थित वाइसीएल र प्रहरीबिच सामान्य झडपको अवस्था समेत सिर्जना भएको छ ।
बुधवारको तुलनामा आज बानेश्वरको अवस्था अहिलेसम्म सामान्य नै छ ।
तस्विरहरू