अल्लु अर्जुनको फिल्म ‘पुष्पा’का गीतहरूले मानिसको मन जितिरहेको छ । पुष्पाको अधिकांश गीतहरू टिकटकमा भाइरल भएरहेका छन् ।
यो सिलसिला बलिउडमा पनि लागु भएको छ । बलिउडका अधिकांश कलाकारहरूले उक्त्त फिल्मको गीतमा अभिनय गरेका छन् । अहिले नेहा कक्कडले ऊ अन्तावा गीतमा डान्स गरेकी छिन् । यससँगै उनले फिल्मको पनि खुलेरै प्रशंसा गरेकी छिन् ।
नेहाको उक्त्त पोस्टमा अल्लु अर्जुनले पनि कमेन्ट फर्काएका छन् । फिल्मको यो गीतमा नृत्य गरेका सामन्था रुथ प्रभु र अल्लु अर्जुनले धेरैको मन जितेको छ । उनी एउटा गीतमा मात्रै छिन् र यो गीतले निकै लोकप्रियता पाएको छ । नेहा कक्कडले आफ्नो इन्स्टाग्राममा एउटा सानो झलक शेयर गरेर गीतको प्रशंशा गरेको हुन् ।
अब यी सेलिब्रेटीको सूचीमा नेहा कक्कडको नाम थपिएको छ । उनले आफ्नो इन्स्टाग्राममा एउटा भिडियो पोष्ट गरेकी छिन् जसमा उनी समुद्र तटमा ‘ओ एन्टवा’ मा नाचिरहेको देखिन्छिन् । उनले गीतको धेरै हुक स्टेप र पुष्पामा अल्लु अर्जुनको सिग्नेचर स्टेप गरेका छन् ।
