पाकिस्तानमा बिहीबार बिहान भूकम्प जाँदा कम्तीमा २२ जनाको मृत्यु भएको छ। स्थानीय समयअनुसार बिहान ३ बजेतिर दक्षिणी पाकिस्तानको बलोचस्तानमा ५.८ म्याग्नेच्युडको भूकम्प गएको हो।
बिबिसीमा प्रकाशित समाचार अनुसार भूकम्पबाट ज्यान गुमाउनेहरूको सङ्ख्या बढ्न सक्नेछ । अन्तराष्ट्रिय सञ्चारमाध्यमहरूका अनुसार एक बच्चा र ६ जना महिलासहित २२ जनाको मृत्यु भएको प्रारम्भिक विवरण आइसकेको छ ।
भूकम्पले केही घर भत्किँदा उनीहरूको मृत्यु भएको हो। भूकम्पबाट सबैभन्दा धेरै हारनाई सहर प्रभावित भएको बताइएको छ। भूकम्पको केन्द्रबिन्दु पनि त्यहीँ थियो। केन्द्रबिन्दुदेखि १०२ किलोमिटर टाढा रहेको प्रान्तीय राजधानी क्वेटासम्म पनि भूकम्पको धक्का महशुस गरिएको थियो।
पाकिस्तानी अधिकारीहरूले उद्धारको काम भइरहेको जनाएका छन्।
स्थानीय जीओ टेलिभिजनले जनाएअनुसार करिब २५० जना घाइते भएका छन्। तीमध्ये कतिपयको गम्भीर अवस्थामा अस्पतालमा उपचार भइरहेको छ।
भूकम्पपछि क्वेटा शहरका मानिसहरू सडकमा निस्केको सामाजिक सञ्जालमा राखिएका तस्वीरमा देखिन्छ।
अमेरिकी भूगर्भसम्बन्धी निकाय यूएसजीएस र पाकिस्तानको भूगर्भ विभागले उक्त भूकम्पको ५.८ म्याग्निट्यूड भएको जनाएका छन्। भूकम्पको धक्का भारतको नयाँ दिल्लीसम्म महसुस गरिएको थियो।
Prelim M5.8 Earthquake Pakistan Sep-24 11:01 UTC, updates https://t.co/5FYdI5qsrQ
— USGS Earthquakes (@USGS_Quakes) September 24, 2019
क्वेटा क्षेत्रमै १९३५ मा ७ दशमलव ७ म्याग्नेच्युडको भूकम्प जाँदा ३० हजार भन्दा बढी मानिसहरूले ज्यान गुमाएका थिए । त्यसलाई इतिहासमै दक्षिण एसियामा गएकाे सबैभन्दा शक्तिशाली भूकम्प मानिन्छ ।
