विराटनगरबाट डिजेलसहितको ट्याङ्कर चोरी गरेको आरोपमा पक्राउ परेका नेपाल आयल निगम विराटनगरका पूर्वचालक श्रवणकुमार यादवलाई पाँच दिन म्याद थप गरिएको छ ।
मोरङ प्रहरीका प्रवक्ता डीएसपी दीपक श्रेष्ठका अनुसार डिजेल लोड भएको ट्याङ्कर चोरीमा संलग्न भएको आरोपमा विराटनगर महानगरपालिका–४ का २६ वर्षीय यादवलाई मोरङ जिल्ला अदालतबाट म्याद थप गरिएको हो ।
विराटनगर–४ स्थित नेपाल आयल निगमको उत्तरतर्फ रहेको पार्किङ स्थलबाट डिजेलसहितको ना ४ ख ४६९ नम्बरको ट्याङ्कर चोरी गरेर लग्दै गर्दा यादवलाई सोमबार बिहानका राति १ः४० बजेतिर पक्राउ गरिएको श्रेष्ठले बताए ।
श्रेष्ठसँगै पक्राउ परेका विराटनगर–४ कै २६ वर्षीय विक्की यादवलाई पनि म्याद थप गरिएको डिएसपी श्रेष्ठले जानकारी दिए । डिजेल लोड रहेकै अवस्थामा पार्किङ स्थलमा छाडेपछि चालक यामकुमार खनाल सुत्न र सहचालक शिव खनाल शौचालय गएको मौकामा यादवले चाबी खुला नै रहेको ट्याङ्कर चोरी गरेको प्रहरीले बताएको छ ।
उनलाई मोरङको बूढीगंगा गाउँपालिका–३ बाँसबारीबाट ट्याङ्करसहित पक्राउ गरिएको थियो ।