कर्णालीमा डुंगा पल्टिँदा बेपत्ता भएका तीन जना अझै सम्म अज्ञात रहेको प्रहरीले जनाएको छ ।
जिल्ला प्रहरी कार्यालय कैलालीका अनुसार मोहन्याल गाउँपालिका–३ की २० वर्षकी उर्मिला सलामी मगर, उनको १० दिनको शिशु र २० वर्षकी पार्वती थापा बेपत्ता रहेको जनाएको छ ।
जिल्ला प्रहरी कार्यालय कैलालीका प्रहरी नायब उपरीक्षक प्रतिक विष्टका अनुुसार घाईते भएकी मोहन्याल गाउँपालिका–३ की १९ वर्षीया धनसरा सलामी मगरको भने मृत्यु भईसकेको जनाएको छ ।
कैलालीको मोहन्याल गाउँपालिका–३ राँगा पलेखा नजिकै आइतबार दिउँसो १२ बजेतिर नदीमा डुंगा पल्टिँदा थप २ जना घाईते भएका थिए भने ३ जना बेपत्ता भएका छन् ।
घटनास्थलमा प्रहरी र स्थानीयले बेपत्ताको खोजी कार्य गरिरहेका छन्। नदीको बहाव उच्च भएकाले खोजी कार्यमा कठिनाई भैरहेको छ।प्रहरीका अनुसार सोही डुंगामा रहेका अन्य पाँच जना भने पौडिएर जोगिएका छन्।
उनीहरु सुर्खेतको चौकुने गाउँपालिका–४ स्थित स्वास्थ्य चौकीमा बच्चालाई खोप लगाउन र उपचार गर्न गैरहेका बेला दुर्घटना भएको हो ।