गत सोमबार राज कुन्द्रा जेलपरेपछि बलिउडमा सनसनी नै मच्चिएको छ ।
नामी बिजनेसम्यान राज कुन्द्रा मुम्बई पुलिसको गिरफ्तारीमा परे त्यहाँ देखी बलिउड सहित पुरै मनोरञ्जनको दुनियाँ एकदमै अचम्मित भएको हो।
कतिपयलाई त यो कुरा अझै पनि बिश्वास नै भईरहेको छैन । राज कुन्द्रा अभिनेत्री शिल्पा शेट्टीको पति हुन् त्यसैले पनि एकदमै पपुलर रहेका छन् । राज र शिल्पाको मिलेको जोडी देखेर अचम्मित हुनेको सङख्या पनि धेरै नै छ बलिउडमा । टिकटकमा होस या अन्य सामाजिक सञ्जालमा उनीहरुको प्रेम झल्केको देख्न पाइन्छ ।
एक पछि अर्काे गर्दै बलिउड उद्योगका ब्यक्तिहरुले यस बिषयमा आफ्नो राय प्रकट गर्दै आईरहेका छन् । सधै पेपराजीको वरीपरि घेरिरहने बलिउडकी चल्ती फिर्ती अभिनेत्री राखी सावन्तले पनि यस बिषयमा आफ्नो राय प्रकट गरेकी छिन् । उनले राज कुन्द्राको नै पक्षमा बोलेकी छिन् । राखीले एकदमै इमोश्नल भएर आफ्ना कुराहरु राखेकी छिन् ।
उनले भनिन्– कोही शिल्पा शेट्टीको छबि खराब गर्नको लागि यो सब गरिरहेको छ । यस्ता ब्यक्तिलाई लाज हुनु पर्ने जो रुपैयाका लागि एक राम्रो परिवारको नाम खराब गरिरहेको छ । मलाई रुन आउँछ यो सबै देखेर । कोही राम्रो जिन्दगी जिउने कोशिश गरिरहेको छ भने उसलाई जिउन दिईरहेको छैन । जरुर राज कुन्द्राको परिवारको नाम खराब गर्नका लागि यो सबै भईरहेको छ ।
