बलिउड अभिनेत्री शिल्पा सेट्टीका श्रीमान् तथा व्यापारी राज कुन्द्रालाई प्रहरीले पक्राउ गरेको छ ।
उनीमाथि अश्लील फिल्म बनाएको आरोप लागेको छ ।
उनीविरुद्ध पर्याप्त प्रमाण जुटाएरमात्रै मुम्बई प्रहरीको क्राइम ब्रान्चले पक्राउ गरेको मिडिया रिपोर्टमा उल्लेख छ।
गत फेब्रुअरीमै दायर गरिएको एक उजुरीमा अनुसन्धान गर्दा प्रोनोग्राफीमा राज कुन्द्रा मुख्य आरोपी रहेको प्रहरीले प्रमाण फेला पारेको समेत बताएको छ ।
यसअघि उक्त केशमा प्रहरीले चार जनालाई पक्राउ गरिसकेको थियो ।
राज प्रकाउ परेको आज ४ दिन भइसकेको छ । उनी पो र्नाेग्राफीको मावलमा नराम्रोसँग फसेका छन् । उनी अझै २३ जुलाईसम्म पुलिस हिरासतमा रहनेछन् ।
मुम्बई क्राइम ब्रान्चका पुलिसले बुधबार साँझ राज कुन्द्राको मुम्बई स्थित विआन इन्ड्रस्टीज लिमिटेडको अफिसमा तथा केही अन्य ठाउँमा समेत छापा मारेको छ । सो क्रममा पुलिसले उनको अफिसका केही कम्प्युटरका हार्ड डिस्क र सर्भर बरामद गरेको छ ।
समाचारका अनुसार पुलिसले त्यो सर्वर बरामद गरेको छ जसको माध्यमबाट अश्लिल फिल्म ‘वी ट्रान्सफर’को माध्यमबाट अपलोड हुने गर्दथ्यो । यसका साथै, पुलिसले केही काजगपत्र, कुन्द्राका आइफोन तथा ल्यापटप समेत बरामद गरेको छ । बरामद भएका सबै सामान परिक्षणका लागि फोरेन्सिक ल्याबमा पठाइएको छ ।
यो मामिलामा पुलिसले राज कुन्द्राको बहिनी ज्वाई प्रदीप बख्शीकोविरुद्ध पनि सूचना जारी गरेको छ । यो मामिलामा प्रदीप पनि सह अभियुक्त हुन् । उनी ‘हटशट’ एप निर्माण गर्ने राज कुन्द्राको कम्पनी ‘केनरीन’का मालिक हुन् । अहिले खबर आएको छ पुलिसले छिट्टै शिल्पासँग पनि यो बिषयमा सोधपुछ गर्दैछ ।
राज कुन्द्रालाई क्राइम ब्रान्चले सोमबार पक्राउ गरेको थियो । उनलाई अश्लिल फिल्म बनाएको र केही एपमा देखाएको आरोप लागेको छ । यो मामिलामा अहिलेसम्म ९ जना पक्राउ परिसकेका छन् ।