सत्तारुढ नेकपा एमाले विपक्षी गठबन्धनविरुद्ध सडकमा उत्रिएको छ । एमाले सम्बद्ध नेपाल खेलकुद महासङ्घ र युवा सङ्घ नेपालको आह्वानमा आइतबार विपक्षी गठबन्धनविरुद्ध राजधानीमा प्रदर्शन गरेका हुन् ।
रमेश पौडेल नेतृत्वको नेपाल खेलकुद महासङ्घले त्रिपुरेश्वरस्थित दशरथ रंगशाला परिसरमा प्रदर्शन गरेको थियो । प्रदर्शनमा सहभागीहरूले प्रधानमन्त्री एवं एमाले अध्यक्ष केपी शर्मा ओलीको तस्बिर अंकित पोस्टकार्ड बोकेका थिए, जसमा ‘खेलाडीहरू जाग्दैछन्, राष्ट्रघातीहरु भाग्दैछन्’, ‘खेलाडीहरूको आह्वान, तोकिएको मितिमा निर्वाचन’ जस्ता नारा लेखिएका थिए ।
नयाँ बानेश्वरमा भेला भई माइतीघर सम्म मार्च गर्दै आएका युवा सङ्घका कार्यकर्ताहरूले ओलीको समर्थनमा नारा जुलुस सहित नाचगान गरेका थिए ।
“जहाँ ओली त्यहाँ एमाले, जहाँ ओली त्यहाँ सूर्य” “सै पनि एमाले, मैपनी एमाले” आइलब यु केपी बा जस्ता नारा लगाउदै गीत गाएर नाचगान गरेका थिए । जुलुसमा विपक्षी गठबन्धन विरुद्ध चर्को नारा समेत लागेको थियो ।
हेरौँ तस्बिरहरू