कैलाली ।  कैलालीमा बेहोस अवस्थामा फेला परेका एक पुरुषको मृत्यु भएको छ । सोमबार दिउँसो गोदावरी नगरपालिकाको वडा नम्बर २ स्थित पहाड रोडमा बेहोस अवस्थामा फेला परेका पुरुषको मृत्यु भएको हो ।

अन्दाजी ४५ बर्षिय ती पुरुषको नाम र ठेगाना केही खुलेको छैन । सडकको छेउमा अपरिचित पुरुष बेहोस अवस्थामा रहेको खबर पाएपछि ईलाका प्रहरी कार्यालय मालाखेतीबाट खटिएको प्रहरी टोलीले उनलाई उपचारको लागि धनगढी पठाएको थियो ।उनको सेती प्रादेशिक अस्पताल उपचारका क्रममा मृत्यु भएको प्रहरीले जनाएको छ ।

मृतकको शव सेती प्रादेशिक अस्पतालमा राखिएको छ। मृतकको नाम र ठेगाना भने नखुलेको प्रहरीले बताएको छ।