नेपाली काँग्रेसको भातृ संगठन नेपाल विद्यार्थी सङ्घले काठमाडौँमा प्रधानमन्त्री केपी शर्मा ओलीको पुत्ला जलाएको छ ।
सरकार विरोधी कार्यक्रमलाई निरन्तरता दिने क्रममा नेविसंघले आज काठमाडौँको त्रिचन्द्र कलेज अगाडी प्रधानमन्त्री पुत्ला जलाउँदै मसाल जुलुस प्रदर्शन गरेको हो ।
संसद् पुनर्स्थापना नभएसम्म विरोधका कार्यक्रम जारी राख्ने नेविसंघका महामन्त्री दीपक भट्टराईले केटिएम दैनिकलाई बताए ।
प्रदर्शनका क्रममा प्रहरीले १५ जना विद्यार्थीलाई नियन्त्रणमा लिएको छ । महामन्त्री भट्टराईले पक्राउ परेका विद्यार्थीहरूको रिहाइको माग गरेका छन् ।
तस्बिरहरू