फ्रान्सेली राष्ट्रपति इमानुएल मैक्राँनलाई एक औपचारिक भ्रमणको क्रममा गालामा थप्पड हानिएको छ । दक्षिण पूर्बी फ्रान्सको भेलेन्स शहरको औपचारिक भ्रमणको क्रममा उक्त घटना भएको बीबीसीले उल्लेख गरेको छ ।
सामाजिक सञ्जालमा देखिएको भिडियोमा हरियो टी शर्ट लगाएका एक जना ब्यक्ति मैक्राँनको अनुहारमा थप्पड लगाउने बित्तिकै सुरक्षाकर्मीले राष्ट्रपति मैक्राँनलाई तान्न पुग्यो । फ्रान्सेली सञ्चारमाध्यमहरुका अनुसार उक्त घटनामा संलग्न रहेको आरोपमा दुईजनालाई नियन्त्रणमा लिइएको छ । फ्रान्सेली प्रहरीले ब्यक्ति के कति कारणले थप्पड प्रहार गरेको सम्बन्धमा छानबीन भइरहेको जनाएको छ ।
थप्पड हानेका ब्यक्तिले पटक पटक ‘डाउन विथ मैक्राँनोज्म’ भनेर कराएका छन् । उक्त घटना भएको केही समयपछि राष्ट्रपति मैक्राँन पुनः उक्त स्थलमा आएर जमम्मा भएको भिडसँग अन्तरक्रिया गरेका अन्तराष्ट्रिय सञ्चारमाध्यमहरुले उल्लेख गरेका छन् ।
#Macron se fait gifler en direct de #Tain pic.twitter.com/tsXdByo22U
— ⚜️ (@AlexpLille) June 8, 2021
फ्रान्सेली राष्ट्रपतिको सुरक्षाका लागि राष्ट्रपतिका लागि सुरक्षा समूह ‘जीएसपीआर’ परिचालन गरिदै आएको छ । जसको गठन सन् १९८३ मा भएको थियो । राष्ट्रपति भ्रमणका लागि बाहिर निस्केको बेला समूहका महिला र पुरुष गरी ७७ सुरक्षाकर्मी परिचालन हुन्छ ।
