अन्तर्राष्ट्रिय विकासका लागि अमेरिकी सहयोग नियोग (यूएसएड)ले नेपाललाई कोभिड–१९ को महामारीसँग जुध्न आपत्कालीन सहयोगको घोषणा गरेको छ।
स्वास्थ्यकर्मीहरूका लागि अत्यावश्यक सर्जिकल मास्क, फेसशिल्ड तथा पन्जा बोकेको पहिलो विमान नेपालतर्फ प्रस्थान गरिसकेको (यूएसएड)ले जनाएको छ। यो सहयोग सामग्रीको पहिलो चरण भएको र बाँकी आगामी दिनमा पठाइने यूएसएडको भनाइ छ।
पछिल्लो तीन सातामा यूएसएडले नेपाललाई कोरोना भाइरसको परीक्षण, रोकथाम तथा उपचारका लागि १५ मिलियन डलर (करीब रू.१ अर्ब ७५ करोड) बराबरको सहयोग गरिसकेको विज्ञप्ति मार्फत जनाएको छ।
BREAKING: USAID is airlifting urgent health supplies to Nepal?? to help combat #COVID19. This is the first in a series of flights to Nepal.
More here: https://t.co/ywWLPxdrEg pic.twitter.com/Zuri1LmnN1
— USAID (@USAID) May 20, 2021
गत नोभेम्बरमा संस्थाले नेपाललाई १०० वटा भेन्टिलेटर उपलब्ध गराएको थियो।
केही दिनअगाडी प्रधानमन्त्री केपी शर्मा ओलीले ब्रिटेनको एउटा प्रमुख अखबारमा लेख प्रकाशित गर्दै कोरोनाभाइरसको महामारी नियन्त्रणभन्दा बाहिर जान थालेकाले अन्तर्राष्ट्रिय सहयोग आवश्यक रहेको बताएका थिए ।