भारतको मेघालयमा एक सय मिलियन वर्ष पुरानो डायनोसरको अस्थिपञ्चनर फेला परेको छ । भारतको गुजरात, मध्यप्रदेश, महाराष्ट्र तथा तामिलनाडुपछिको पाँचै राजय मेघालयमा टिटानासरियन वर्गको सउरोपन डायनोसरको हड्डी फेला परेको भारतीय सञ्चारमाध्यमहरुले जनाएका छन् ।
अनुसनधानकर्ताहरुका अनुसार लामो घाँटीतर्फको हड्डी राजयको खासी हिल जिल्लाको पश्चिमी क्षेत्रमा फेला परेको हो । यसको अध्ययनका क्रममा यो हड्डी करिब १०० मिलियन वर्ष पुरानो भएको र डायनोसरको सउरोपोड प्रजातिको भएको पाइएको हो ।
भारतको पालिओन्टोलोजी डिभिजन उत्तरपूर्वको जियोलोजीकल सर्भेका क्रममा अनुसन्धानकर्ताहरुले फिल्ड ट्रिपका क्रममा फेला परेको अन्य जानकारीहरु भने सार्वजनिक गरेका छैनन् । जियोलोजीक सर्भेका अनुसन्धानकर्ताहरुले यस क्षेत्रमा सउरोपोड् फेला परेको यो पहिलो रेकर्ड भएको समेत बताएका छन् ।
सउरोपडको लामो घाँटी, लामो पुच्चर, सानो टाउको र पीलरजस्ता देखिने चारवटा खुट्टा हुन्छन् । यो प्रजाति पृथ्वीकै सबैभन्दा अग्लो प्रजाति भएको मानिन्छ । यो प्रजाति विशेष गरि अफ्रिका, दक्षिण अमेरिका, उत्तर अमेरिका, युरोप, अस्ट्रेलिया र अन्र्टाटिका तथा एसियाका केही क्षेत्रहरुमो रहने गरेको अनुसन्धानकर्ताहरुले बताएका छन् ।
यसअघि सन् २००१ मा पनि मेघालयमा डायनोसरका हड्डी फेला परेको र निकै टुक्रिएको अवस्थामा रहेका कारण पहिचान गर्न समस्या भएको बताइएको छ ।