लमजुङ केन्द्रबिन्द बनाएर आज बिहान ५:४२ मा गएको ५.८ म्याग्निच्युटको भूकम्पले केही स्थानमा क्षति पुर्याएको छ।
लमजुङका स्थानीय जिबी घिमिरेले दिएको जानकारी अनुसार चनौतेमा घर भत्किएर एक महिला घाइते भएकी छन्। उनको हातमा चोट लागेको छ । यस्तै रामचोकमा पनि एक महिला घाइते भएको उनले बताए। घरको बार्दलीबाट आत्तिएर हाम फाल्दा एक जना बेहोस् भएको खबर प्राप्त भएको घिमिरेले बताए ।
बिहान गएको भूकम्पको धक्का काठमाडौंलगायत देशका विभिन्न ठाउँमा महसुस गरिएको थियो। २०७२ वैशाख १२ गते गएको भूकम्प यता लगातार पराकम्प जाने क्रम अझै रोकिएको छैन।