कोरोनाको दोस्रो लहरले नेपाल र भारतलाई आक्रान्त बनाएको छ । दुबै देशहरुमा कोरोना संक्रमण बढिरहेको छ ।
अहिले छिमेकी मुलुक भारतमा जुम्ल्याहा दाजु भाइको निधनले सबैलाई दुखी बनाएको छ ।
भारतको मेरठको छाउनीका ग्रेगरी रेमन्ड राफेलका दुई छोराहरुको नाम जोफ्रेड र राल्फ्रेड थियो । उनीहरु एक अर्कासँग अत्यन्तै नजिक थिए । सँगै जन्मेका हामी सँगै मर्छौं होला भनेर कुरा गरिरहन्थे ।
गएको २३ अप्रिलमा मात्र यी दाजुभाइले २४ औं जन्मदिन मनाएका थिए । जन्मदिनको ठिक १ दिन पहिले उनीहरु कोरोना संक्रमित भएका थिए ।
यी दाजुभाइ दुवै इन्जिनियर थिए । उनीहरु दुवै कोरोनाभाइरसबाट संक्रमित भए र उनीहरुको उपचारको क्रममा एकसाथ मृत्यु भयो ।
उनहिरुका आफन्त र परिचितहरुका अनुसार यी दाजुभाइ धेरैजसो समय साथमै रहन्थे । यी जुम्ल्याहा दाजुभाइका पिता मेरठको थोमस स्कुलमा शिक्षक छन् ।
यी दाजुभाइ संक्रमित भएपछि करिब २० घण्टा जीवनको लागि संघर्ष गरेका बताइएको छ । जानकारी अनुसार यी दाजुभाइ साथमै इन्जिनियर बनेका थिए ।
उनका पिता ग्रेगरीका अनुसार दुई छोराहरुको मृत्युपछि अब परिवारमा ३ जना मात्रै बाँकी छन् र परिवार क्षत विक्षत भएको छ । पिताका अनुसार दुई छोराको जन्ममा केवल ३ मिनेट फरक थियो ।