सुदूरपश्चिम प्रदेशमा पछिल्लो २४ घण्टामा १३७ जनामा संक्रमण पुष्टि भएको छ ।

सेती प्रादेशिक अस्पतालको प्रयोगशालामा २७८ जनाको परीक्षणमा १३७ जनामा संक्रमण पुष्टि भएको अस्पतालका सूचना अधिकारी दिलीप कुमार श्रेष्ठले केटिएम दैनिकलाई बताए ।

कैलालीका मात्रै १२३ जनामा संक्रमण पुष्टि भएको छ ।त्यसमा सबै भन्दा धेरै धनगढी उपमहानगरपालिकाका रहेका छन् ।

धनगढीका मात्रै १०९ जनामा संक्रमण देखिएको उनले बताए ।जसमध्ये ३ जनालाई भेन्टिलेटर ९ जनालाई आइसीयु राखिएको छ । ३५ जनालाई अक्सिजन दिइएको छ । १० जनाको अवस्था मध्यम रहेकाले साधारण बेडमा राखिएको अस्पतालले जनाएको छ । यस्तै अस्पतालमा बिहिबार ५ जनाको ज्यान गएको छ ।