दीपिका पादुकोण जन्म ५ जनवरी १९८६) एक भारतीय अभिनेत्री एवं मोडल हुन्। उनी बलिउड चलचित्र उद्योगकी सबैभन्दा चर्चित अभिनेत्रीहरू मध्ये एक र सर्वाधिक पारिश्रमिक लिने भारतीय महिला अभिनेत्रीमा पर्छिन्। उनले आफ्नो जीवनयात्रा बलिउडमा स्थापित गरिसकेकी छिन् र हालसम्म दुई फिल्म फेयर पुरस्कार प्राप्त गरिसकेकी छिन्।

पादुकोण, ब्याडमिन्टन खेलाडी प्रकाश पादुकोणकी छोरी हुन। उनको जन्म कोपनहेगनमा भएको हो र हुर्काई बेङ्गलोरमा भएको हो। बाल्यावस्थामा उनले राष्ट्रिय स्तरको ब्याडमिन्टन च्याम्पियनसिप खेलेकी छन् तर फेसन मोडल बन्नका लागि उनले ब्याडमिन्टन खेल छाडेकी थिइन्। मोडलिङ क्षेत्रबाट प्रवेश गरेकी उनले चाँडै चलचित्रमा अभिनय गर्ने अवसर प्राप्त गरिन्। सन् २००६ मा कन्नड चलचित्र ऐश्वर्यमा मुख्य भूमिकामा उनले चलचित्र जगतमा पदार्पण गरिन्। पादुकोण त्यसपछि दोहोरो भूमिकामा उनको पहिलो बलिउड ब्लकबस्टर सन् २००७ मा प्रदर्शित ओम शान्ति ओमबाट गरिन् जसले उनलाई फिल्म फेयर उत्कृष्ट नयाँ महिला कलाकारको लागि पुरस्कार दिलाएको थियो। पादुकोणद्वारा अभिनीत लभ आज कल (२००९) र लफङ्गे परिन्दे (२०१०) चलचित्रमा गरिएको दमदार अभिनयको लागि उनले निकै चर्चा कमाइन्। साथै त्यसै समयमा उनीद्वारा अभिनीत बच्ना ए हसिनो (२००८) र हाँस्य चलचित्र हाउस फुल (२०१०) चलचित्रले नकारात्मक समीक्षा पाएको थियो।

सन् २०१२ मा प्रदर्शित बक्स अफिस हिट ककटेल चलचित्रले उनको अभिनय यात्रामा आयाम त थप्यो नै उनको अभिनयलाई सम्मान प्रदान गर्दै विभिन्न पुरस्कार समारोहमा उत्कृष्ट अभिनेत्रीको लागि नामाङ्कन समेत गराएको थियो। त्यसपछि उनी ये जवानी है देवानी (२०१३), चेन्नई एक्सप्रेस (२०१३) र ह्याप्पी न्यु इयर (२०१४) जस्ता हाँस्य चलचित्र जुन सबैभन्दा बढी कमाइ गर्ने बलिउड चलचित्र रहेका थिए त्यस्ता चलचित्रमा मुख्य महिला पात्रको अभिनय गरेर बलिउडमा आफ्नो स्थान जमाइन्। उनले सन् २०१३ मा गोलियो की रासलीला राम-लीला नामक चलचित्रमा दमदार अभिनय गरेर फिल्म फेयर सर्वश्रेष्ठ अभिनेत्री पुरस्कार जितेकी थिइन्।

अभिनय क्षेत्र बाहेक पादुकोण रङ्गमञ्चमा भाग लिने गरेकी छिन् साथै उनले एक भारतीय पत्रिकाको लागि लेख समेत लेखिसकेकी छिन्। यस बाहेक उनले विभिन्न ब्रान्ड र उत्पादनको लागि स्थायी रूपमा विज्ञापन गर्ने गरेकी छिन्। महिलाको हक तथा अधिकारको लागि पनि उनले बेला बखत आवाज उठाउने गरेकी छिन्।

यति सफलता हासिल गरेकी दीपिकालाई यिनै कुराले भने निकै विवादित बनाएको थियो । अभिनेत्री दीपिका पादुकोण सुशान्त सिंह राजपूतसँग जोडिएको ड्र ग्स केसमा मात्र नभई अन्य थुप्रै केसहरूमा उनको नाम जोडिएर उनी विवादमा पर्दै आएकी छिन् । पछिल्लो समय फिल्म ‘छपाक’ रिलिज भएको समयमा उनी जवाहर लाल नेहरु विश्वविद्यालयमा आन्दोलनरत छात्राहरूसँग देखिइन् ।

उक्त कुरा फिल्म प्रमोसनसँग जोडियो । विरोध गरिरहेका छात्राहरूसँग एकसाथ देखिएकी दीपिकालाई बीजेपीका नेता तजेन्द्रपाल बग्गासहित थुप्रै संगठनले दीपिकाको विरोध गर्दै उनको फिल्म बहिस्कारको आन्दोलन नै चलाए ।

यस्तै, सन् २०१७ मा रिलिज भएको फिल्म ‘पद्मावत’ को रिलिज हुनुभन्दा अगाडि देशमा फिल्मविरुद्ध धेरै विरोध प्रदर्शन भयो । करणी सेनाले फिल्मको नामले इतिहासलाई तोडमोड गरेको भन्दै विरोध गरेको थियो । गुजरातमा काँग्रेसका सहयोगी हार्दिक पटेल र अल्पेश ठाकोरले फिल्मको खुलेर विरोध गरे । केही सिनेमा घर समेत तोडफोड गरियो ।

सन् २०१५ मा रिलिज भएको फिल्म ‘बाजीराव–मस्तानी’ पनि निकै विवादित बन्यो । दीपिका पादुकोण, प्रियङ्का चोपडा र रणवीर सिंहको मुख्य भूमिका रहेको यो फिल्मले रानी मस्तानीको वंशजको बारेमा इतिहासलाई तोडमोड गरेको आरोप लागेको थियो । ऐतिहासिक तथ्यसँगै फिल्ममा मस्तानीलाई पुरै सभाको अगाडि नाचेको कुरालाई लिएर विरोध भयो ।

दीपिकाको अर्को फिल्म पनि उत्तिकै वि’वादमा फसेको थियो । उक्त फिल्म सन् २०१५ मा रिलिज भएको ‘तमाशा’ हो । उक्त फिल्मको दौरान पनि निकै वि’वादमा आएकी दीपिकाले आफूलाई

डि प्रेशन भएको खुलासा गरिन् ।

त्यसपछि उनले ‘लिभ लभ लाफ’ नाम संस्था खोलिन् । उनको सन् २०१३ मा रिलिज भएको फिल्म ‘गोलियों की रासलीला–रामलीला’ पनि विवादित भयो । यो फिल्मको पनि नामलाई लिएर निकै विवाद भएको थियो ।