अमिताभ र रेखाको प्रेम कहानी आजसम्म पनि बलिउडको सबैभन्दा चर्चित मामिला मध्ये एक हो। फेरि पनि यो अत्यन्तै चर्चित प्रेम कहानी सधैँ रहस्यमय बनिरह्यो किनकी दुवै जनाले सार्वजनिक रुपमा कहिल्यै आफ्नो सम्बन्ध स्वीकारेनन्। बलिउड फिल्म इन्डस्ट्रीको दुई दिग्गज अमिताभ र रेखाबीच कसरी-कहिलेबाट प्रेम सम्बन्ध सुरु भयो र कसरी सम्बन्ध तोडियो त ?

आज अमिताभ बच्चन र जया बच्चनले विवाहको ४८ वर्ष पार गरेका छन् । उनीहरुको एक छोरी र छोरा छन् । उनीहरुको विवाहको यतिको लामो समयसम्म पनि किन अमिताभको नाम रेखासँग जोडिन्छ ?

अमिताभ र रेखाको प्रेम कहानी फिल्म ‘दो अन्जाने(१९७६)’ को सेटबाट सुरु भएको थियो, जति बेला अमिताभ विवाहित थिए। आफ्नो विवाहेत्तर सम्बन्धको सुरुवाती अवस्थामा रेखा र अमिताभ एक बंगला(Bungalow) मा भेट्ने गर्थे, जुन बंगला रेखाको साथीको थियो। पहिलेदेखि विवाहित अमिताभ र रेखाको बीचको यस अफेयरबारे कसैलाई पनि थाहा थिएन्।

१९८१ मा यश चोपडाले अमिताभ र रेखाको सम्बन्धलाई लिएर फिल्म ‘सिलसिला’ बनाएका थिए। अमिताभकी श्रीमती जयाले पनि यस फिल्ममा महत्वपूर्ण भूमिका खेलेकी थिइन्। अमिताभ-रेखा अन्तिम पटक यस फिल्ममासँगै देखिएका थिए।

‘गङ्गा की सौगन्ध(१९७८)’ को शूटिङको क्रममा बिग बी एक सह-अभिनेतासँग असाध्यै रिसाएका थिए जसले रेखासँग दुर्व्यवहार गरेका थिए। यो घटनापछि उनको अफेयरबारे चौतर्फी हल्ला चल्यो र सञ्चारमाध्यमको पनि ध्यानाकर्षण गर्यो।