नेकपाको प्रचण्ड–माधवनिकट नेपाल दलित मुक्ति संगठनले आज काठमाडौंमा विरोध र्याली र सभा गरेको छ। संविधानको ‘कू’ र प्रतिगामी कदमका विरुद्ध र्याली निकालेको हो।
जुलुसमा आदिवासी जनजाति महासङ्घ नेपाल, अखिल नेपाल महिला संङ्घ, मधेशी राष्ट्रिय मुक्ति मोर्चा नेपाल, नेपाल लोकतान्त्रिक मधेशी संगठन, थारु राष्ट्रिय मुक्ति मोर्चा नेपाल, नेपाल लोकतान्त्रिक थारु सङ्घ, मुस्लिम संगठन नेपालको सहभागिता थियो ।
र्यालीमा सहभागीहरुले महंगी भ्रष्टाचार नियन्त्रण गर, प्रतिगमन मुर्दावाद, बढ्दो मंहगी नियन्त्रण लगायतका प्लेकार्ड बोकेका थिए । प्रतिनिधिसभा विघटनपछि सडक संघर्षमा रहेको प्रचण्ड–माधव समूहले चौथो चरणका कार्यक्रमहरु गरिरहेको छ।
बाजागाजासहित शान्ति बाटिकामा भेला भएर जुलुस भोटाहिटी, इन्द्रचोक हुँदै बसन्तपुर पुगेर सभामा परिणत भएको थियो । फागुन ५ गतेदेखि सुरु भएका चौथो चरणका सम्पूर्ण संघर्षका कार्यक्रमहरु फागुन १५ गते सकिनेछन्।
हेरौं तस्वीरहरु :