नेपालमा कोरोनाभाइरसबाट थप ३ जनाको निधन भएको छ । मन्त्रालयले जारी गरेको अध्यावधिक विवरणमा २ जनाको निधन भएको बताइतापनि हिजोसम्म निधन हुनेको संख्या २ हजार ३५ र आज ३ जना थपिएपछि २ हजार ३८ पुगेका हुन् ।

मन्त्रालयले देशभर रहेका प्रयोगशालामा २ हजार २५१ जनाको नमूना परिक्षण गर्दा ८३ जना पुरुष र ३६ जना महिलामा कोरोना भाइरसको संक्रमण देखिएको हो ।

यो सहित कूल संक्रमितको संख्या २ लाख ७१ हजार ९२५ पुगेको छ ।त्यसमध्ये २ लाख ६८ हजार ७२ जना भाइरसमुक्त भएका छन् । पछिल्लो २४ घन्टामा २६० जना संक्रमणमुक्त भएका हुन् ।

हाल १ हजार ८१५ जना आइसोलेसनमा रहेका छन् भने ९२ जना क्वारेन्टिनमा रहेका छन् ।

आज काठमाडौं उपत्यकामा तीन जिल्लामा ३७ महिला र १८ पुरुष गरी जम्मा ५५ जनामा भाइरसको संक्रमण देखिएको छ ।