नेपालमा थप १०५ जनामा कोरोना भाइरसको संक्रमण देखिएको छ ।
स्वास्थ्य तथा जनसंख्या मन्त्रालयले बिहीवार अपरान्ह सार्वजनिक गरेको तथ्यांकअनुसार देशभरका प्रयोगशालामा २ हजार ७९९ जनाको नमूना परिक्षण गर्दा ५७ पुरुष र ४८ महिला गरी कूल १०५ जनामा कोरोना भाइरसको संक्रमण देखिएको छ ।
योसंगै कुल संक्रमितको सख्या २ लाख ७१ हजार ७०७ पुगेको छ जसमध्ये २ लाख ६७ हजार ५६४ जना भाइरसमुक्त भएका छन् । पछिल्लो २४ घन्टामा २७२ जना भाइरसमुक्त भएका हुन् ।
त्यस्तै पछिल्लो २४ घन्टामा कोरोनाबाट २ जनाको निधन भएसँगै ज्यान गुमाउनेको संख्या २ हजार ३५ पुगेको छ । अहिले सक्रिय संक्रमितको संख्या २ हजार १०८ मा झरेको छ भने ९२ जना क्वारेन्टिनमा रहेका छन् ।
आज काठमाडौं उपत्यकामा २५ पुरुष र ३३ महिला गरी कूल ५८ जनामा भाइरसको संक्रमण देखिएको मन्त्रालयले जनाएको छ ।