दश जना पत्रकारले कोरोना बिमा बापतको रकम पाएका छन् । पत्रकार महासङ्घ उपत्यका प्रदेश समितिले कोरोनाको महामारीको बेला १ सय १९ जनाको कोरोना बीमा गरिदिएको थियो । त्यसमध्ये कोरोना संक्रमित भएका दश जनाले कोरोना बीमाको रकम पाएका हुन् ।
कोरोना संक्रमित भएका पत्रकार विदुर खड्का, संजय केसी, सविन शर्मा, रामहरि कार्की, शुशीलबन्ध थापा, गोकुल कार्की, निरज रञ्जित, विदुर थापा, अमृत अधिकारीले कोरोना बीमाबापत प्रतिव्यक्ति रु १ लाख रुपैंया पाएका छन् ।
उनीहरुलाई उपत्यका प्रदेश समितिको कार्यालयमा चेक हस्तान्तरण गरिएको छ । २४ जना पत्रकारलाई कोरोना संक्रमण देखिएकोका १० जनाले बिमाको भुक्तानी पाइसकेका छन् भने १४ जनाको प्रकियामा रहेको बताइएको छ ।
पत्रकार महासङ्घ उपत्यका प्रदेश समितिका महासचिव एवम् क्लवका अध्यक्ष श्रीजन झाले कोरोना सङ्क्रमणको बढ्दो जोखिमको समयमा आफ्नो कर्म क्षेत्रमा क्रियाशील नेपाल पत्रकार महासङ्घ उपत्यका प्रदेश समिति अन्तर्गत रहेका काठमाडौँ, भक्तपुर र ललितपुरका पत्रकारहरुको बिमा गरिदिएका थिए ।
