नेपालमा पछिल्लो समयमा कोरोना संक्रमण घट्न थालेको छ ।
स्वास्थ्य तथा जनसंख्या मन्त्रालयले आइतबार अपरान्ह सार्वजनिक गरेको तथ्यांकअनुसार देशभरका प्रयोगशालामा ३ हजार ३०८ जनाको नमूना परिक्षण गर्दा १०५ जनामा भाइरसको संक्रमण देखिएको छ ।
योसहित कूल संक्रमितको संख्या २ लाख ७० हजार ९५९ पुगेको छ जसमध्ये २ लाख ६६ हजार ३३६ जना भाइरसमुक्त भएका छन् ।
गत २४ घन्टामा थप २ जनाको निधन भएसँगै कोरोनाबाट ज्यान गुमाउनेको संख्या २ हजार २९ पुगेको छ ।
अहिले १०२ जना क्वारेन्टाइनमा रहेका छन् भने २ हजार ५९४ जना सक्रिय संक्रमित रहेको मन्त्रालयले जनाएको छ ।