नेपाल कम्युनिस्ट पार्टीको झण्डा बोकेर सवारी साधनमा यात्रा गरिएकाहरु रोकिएका छन् । प्रहरीले रिङरोड छिर्ने नाकाहरुमा नेकपाको झण्डा बोक्नेहरुलाई रोकेको हो ।
कोटेश्वर, कलंकी, सातदोबाटोलगायत मुख्य नाकाहरुबाट ठुलो संख्यामा मानिसहरु नेकपाको शक्ति प्रदर्शनमा सहभागी हुन छिरेका छन् । प्रचण्ड नेपाल समूहले दुई लाख उतार्ने भने अनुसार काठमाडौं बाहिरबाट ठुलो संख्यामा मानिसहरु प्रवेश गरेका हुन् ।
नेकपाको हँसिया हथौडा र सुर्य चिन्ह अंकित झण्डासहित मोटरसाइकल र चार पाङ्ग्रे सवारीसाधनमा चढेकाहरु रोकिएका छन् । झण्डा नझिकेसम्म उनीहरुलाई प्रवेश रोक लगाइएको छ । कतिपयले झण्डा झिकेर प्रवेश पाएका छन् ।
प्रहरीले ठाउँ ठाउँमा चेकजाँच समेत गरिरहेको छ । शक्ति प्रदर्शनका क्रममा सम्भावित हिंसा मच्चिनसक्ने भन्दै प्रहरीले कडाई गरेको बुझिएको छ ।
अत्यावश्यक बाहेक सडकमा ननिस्कनुहोस्
काम विशेषले आउनै परे बाहेक आज रिङरोड भित्र नपसेकै वेश । नेपाल कम्युनिस्ट पार्टीको प्रचण्ड नेपाल समूहको शक्ति प्रदर्शनका कारण रिङरोडभित्र जाम रहेको छ ।
कोटेश्वर, सातदोबाटो, चावहिल, महाराजगञ्ज, बालाजु, कलंकी, बल्खुलगायत मुख्य चोकहरुमै जाम छ । जामका कारण सडकमा आवागमन निकै सुस्त गतिमा भइरहेको छ ।
रिङरोडभित्र रहेकाहरुले पनि मुख्य सडकबाहेक वैकल्पिक मार्गबाट यात्रा गर्दा जाम छल्न सकिने अवस्था छ । रिङरोडभित्र बानेश्वर, माइतीघर, त्रिपुरेश्वर, दरबारमार्ग, लाजिम्पाट, भाटभटेनीलगायतका क्षेत्रमा पनि जामका कारण आवागमनमा समस्या देखिएको छ ।
र यो पनि
बालबच्चा बोकेरै आन्दोलनमा