बलिउड अभिनेत्री प्रिती जिन्टा आमा बनेकी छिन्। प्रिती सरोगेसीमार्फत २ जुम्ल्याहा सन्तानकी आमा बनेकी हुन्। उनले आफू सरोगेसीमार्फत दुई सन्तानको आमा बनेको ट्वीटरमार्फत जानकारी दिएकी हुन्।
श्रीमानसँगको एक फोटो सेयर गर्दैँ जीवनको नयाँ अध्यायका लागि आफू निकै उत्साहित रहेको उनले उल्लेख गरेकी छिन्। ‘आज म तपाईंहरुलाई हाम्रो खुसीको खबर सुनाउन चाहन्छु। म र जिन असाध्यै धेरै खुसी छौं। हाम्रो घरमा जुम्ल्याहा बच्चा जे जिन्टा गुडइनफ र जिया जिन्टा गुडइनफले जन्म लिएका छन्’ उनले लेखेकी छिन्।
प्रिती जिन्टाले सन् २०१६ आफूभन्दा दश वर्ष कान्छा अमेरिकन नागरिक जेन गुडइनफसँग विवहा गरेकी थिइन्। सन् १९९८ मा फिल्म ‘दिल से’ मार्फत प्रितीले बलिउडमा डेब्यु गरेकी थिइन्।
विवाह हुनुभन्दा अगाडी प्रितीको कयौं पुरुष र स्टारहरुसँग नाम जोडियो। विवाह भन्दा अगाडी प्रितीको निम्न पाँच व्यक्तिहरुसँग अफेयर रह्यो।
मार्क रोबिनसन
चलचित्र क्षेत्रमा आउनु भन्दा अगाडी प्रितीको अफेयर अभिनेता मोडल मार्क रोबिनसनसँग थियो। चलचित्र क्षेत्रमा स्थापित हुन भन्दा अगाडी प्रितीलाई मोडलिंग प्रोजेक्टहरु दिलाएका थिए। सोहि क्रममा यी दुई नजिकिएका थिए। तर यी दुईको सम्बन्ध बारे हल्ला चल्दा-चल्दै ब्रेकअप भएको थियो।
अभिषेक बच्चन
अभिषेक र प्रितीको अफेयर बारे चर्चा हुँदा धेरै अचम्मित भएका थिए। अनस्क्रिन मात्र नभई अफस्क्रिन पनि यी दुईको केमेस्ट्री त्यसताका राम्रै रह्यो। यी दुईको प्रेम बारे व्यपाक हल्ला हुँदा पनि स्वीकार भने गरेनन्। यी दुई बीच विवाह हुने हल्ला पनि चलेको थियो।
ब्रेट ली
अस्ट्रेलियाका चर्चित क्रिकेटर ब्रेट लीसँग प्रितीको अफेयरले मिडियाहरुमा राम्रै ठाउँ पायो। यी दुईलाई धेरै पटक लुकी-छिपी भेटिरहेको भेटियो। ब्रेट लीको ईमानदारीताले आफूलाई आकर्षित गरेको भन्दै प्रितीले खुलेर मिडियामा पनि बताएकी थिइन्। तर यी दुईको सम्बन्ध पनि खासै टिक्न सकेन।
युवराज सिंह
आईपीएल क्रिकेट टिम किंग्स एलिभेन पन्जाबकी मालिकको रुपमा रहेकी प्रितीको नाम युवराज सिंहसँग पनि जोडियो। युवराज सिंह पन्जाबमा हुँदा यी दुई नजिक भएका थिए। विभिन्न पटक यी दुईलाई सँगै पनि देखिएको थियो।
नेस वाडिया
ठूलै व्यापारीको रुपमा चिनिने नेस वाडियासँग प्रितीको सम्बन्ध सबै भन्दा चर्चित रह्यो। यी दुईले मिडियामै आफ्नो सम्बन्ध स्वीकारेका थिए। पाँच वर्षको प्रेम सम्बन्ध पछि यी दुई छुट्टिएका थिए। बताउने गरिन्छ की नेसले प्रितीलाई थप्पड हानेपछि सम्बन्ध बिग्रिएको थियो।