नायिका, मोडेल, भिजे सन्ध्या केसी अहिले को युवा पुस्ता को धड्कन र निकै चर्चित् नायिका र मोडेल को रुपमा परिचित् छिन् । उनको नेपाली चलचित्रको “ड्रिम्स” बाट सुरु भएको थियो । अनमोल केसी स्टारर चलचित्र ‘ड्रिम्स’बाट अभिनय यात्रा सुरु गरेकी अभिनेत्री केसी उक्त चलचित्रमा पनि खासै नोटिसमा परिनन् । चलचित्रको सबै क्रेटिड साम्राज्ञीले हात पारिन् ।
साम्राज्ञीले सोही चलचित्रबाट चलचित्र यात्रा थालिन्, अहिले एकछत्र राज गरिरहेकी छिन् । सोही चलचित्रबाट यात्रा थालेकी सन्ध्या त्यसपछि केहि चलचित्रमा त काम गरिन् तर खासै उपलब्धी हात पार्न सकेकी छैनन् ।
ड्रिम्सपछि सन्ध्याले ‘कमलेको बिहे’मा काम गरिन् । तर, यो चलचित्र छायांकनपछि प्रोडक्सनबाट बाहिर निस्कन सकेन । चलचित्रका निर्देशक प्रशन्न पौडेल अमेरिका पलायन भइसकेका छन्, उक्त चलचित्र छायांकनपछि त उनी मिडिया र सामाजिक संजालमा समेत खासै एक्टिभ भएका छैनन् ।
ह्याप्पी न्यू ईयर, पण्डित बाजेको लौरी लगायतका चलचित्र पनि सन्ध्याले काम गरेकि थिइन् ? तर दर्शकले पत्तै नपाएनन् चर्चा हुन्छ । फिल्ममा पाइला चाल्नुअगाडी उनको परिचय एक सफल मोडेल र भिजे भनेर चिनिएको थियो ।
कल लाइभ, एसएमएस, इम्याक्स तथा पार्टी सेन्टर शीर्षकका कार्यक्रम चलाउने सन्ध्या बाहिरका कार्यक्रमहरू पनि संचालन गर्छिन् । केही विज्ञापन तथा म्युजिक भिडियोमा अभिनय गरेकी सन्ध्या खेलकुदमा विशेष रुचि राख्छिन् ।
राष्ट्रिय टेबल टेनिस कपमा दोस्रो भएकी सन्ध्या बास्केटबल एवं टेबल टेनिसमा राम्रो दख्खल राख्छिन् । केही र्याम्पमा हिँडेकी सन्ध्या सानैदेखि चुलबुले तथा पटर-पटर बोलिरहने स्वभावकी थिइन् । सन्ध्या राम्रो नृत्य पनि गर्छिन् ।
सामाजिक सञ्जालमा भने आफूलाई खुबै अपडेट राख्छिन् । जहाँ उनको क्युटनेस र सुन्दरताको निकै तारिफ हुने गर्छ । सन्ध्याको सामाजिक संजालबाट लिएका केही तस्विरहरु हामीले तपाइहरुसामू राखेका छौं ।