नेपालमा गत २४ घन्टामा २ हजार ७५३ जनामा कोरोना पुष्टि भएको छ ।

स्वास्थ्य तथा जनसंख्या मन्त्रालयले शनिवार अपरान्ह सार्वजनिक गरेको तथ्यांकअनुसार वितेको २४ घन्टामा २ हजार ७५३ जनामा कोरोना संक्रमण भएको छ ।

यस्तै कोरोनाबाट थप १७ जनाको निधन भएको छ ।

अहिलेसम्म कोरोना संक्रमण भएकाको कूल संख्या १ लाख ९१ हजार ६३६ पुगेको छ जसमध्ये १ लाख ५५ हजार ११४ जना संक्रमणमुक्त भएका छन् भने १ हजार ८७ जनाको यही भाइरसको कारण निधन भएको छ ।

अहिले सक्रिय संक्रमितको संख्या ३५ हजार ४३५ पुगेको छ ।

मन्त्रालयका अनुसार शुक्रवारसम्म १५ लाख २७ हजार ७६६ जनाको पीसीआर परीक्षण गरिएको जनाएको छ । हालका दिनहरूमा दैनिक परीक्षण गरिएकामध्ये लगभग २० प्रतिशतमा सङ्क्रमण देखिने गरेको छ।