नेपालमा ३ हजार ५ सय भन्दा बढी संक्रमित भेटिएका छन् ।
स्वास्थ्य तथा जनसंख्या मन्त्रालयका प्रवक्ता डा जागेश्वर गौतमका अनुसार देशभर १५ हजार ५७७ जनाको नमूना परिक्षण गर्दा काठमाडौं उपत्यकामा २ हजार १२९ सहित देशभर ३ हजार ५५६ जनामा कोरोना पुष्टि भएको छ ।
योसहित नेपालमा १ लाख १५ हजार ३५८ पुगेको छ । जसमध्ये ६६३ जनाको ज्यान गएको छ भने ७८ हजार ७८० जना कोरोनामुक्त भएका छन् ।
पछिल्लो २४ घन्टामा १८ जनाको निधन भएको हो भने १ हजार ५०३ जना निको भएका हुन् ।
आज काठमाडौं जिल्लामा १ हजार ७८६, भक्तपुरमा १६८ र ललितपुरमा २१६ गरी २ हजार १२९ जनामा कोरोना पुष्टि भएको हो ।
अहिले देशभर सक्रिय संक्रमितको संख्या ३५ हजार ९१५ पुगेको छ । जसमध्ये संस्थागत आइसोलेसनमा १५ हजार ४८ जना र होम आइसोलेशनमा रहेका व्यक्तिहरुको संख्या २० हजार ८६७ जना रहेको मन्त्रालयले जनाएको छ ।
गत वर्ष माघ महिनामा चीनबाट फर्किएका एक व्यक्तिमा पहिलो पटक नेपालमा कोरोनाभाइरस सङ्क्रमण पुष्टि भएको थियो। त्यसको झन्डै साढे आठ महिनामा सङ्क्रमितको कुल सङ्ख्या एक लाख नाघेको छ।
गत भदौ २४ देखि प्रत्येक दिन १,००० भन्दा बढी सङ्क्रमित फेला परिरहेका छन्। शनिवार मन्त्रालयले ५,००८ जना सङ्क्रमित फेला परेको बताएको थियो।
