बलिउड र टेलिभिजनका यस्ता कैयौं अभिनेत्री छन्, जसको फोटोकपि अर्थात दुरुस्तै अनुहार हुने अभिनेत्री पनि बलिउडमा छन् । वास्तविक जीवनमा यी कलाकारको एकापसमा कुनै सम्बन्ध छैन, तर उनीहरु हेर्दा जम्ल्याहा जस्तै देखिन्छन् ।
फिल्म ‘विक्की डोनर’ फेम अभिनेत्री यामी गौतमको अनुहार दक्षिण भारतीय फिल्मकी अभिनेत्री विदिशा श्रीवास्तवसँग मिल्दछ । यामी र विदिशाको मुस्कान एउटै जस्तो देखिन्छ । दुवैको हेयर स्टाइल पनि आम रुपमा एकै जस्तो देखिन्छ ।
अभिनेत्री निक्की वालिया पहिलोपटक ‘भीजे’का रुपमा देखिएकी थिइन् । त्यसपछि उनले कैयौं टेलिभिजन सिरियलमा काम गरिन् । निक्कीले ३० भन्दा बढी हिन्दी टेलिभिजन शो गरेकी छन् । उनको अनुहार अभिनेत्री माधुरी दिक्षितसँग मिल्छ ।
अर्की अभिनेत्री चित्रांगदा सिंह र स्मिता पाटिलको अनुहार पनि मिल्दोजुल्दो छ । दुवैको तस्बिर हेर्दा मानिसहरु झुक्किन्छन् । त्यसो त अभिनय शैली पनि दुवैको उस्तै किसिमको छ ।
अभिनेत्री स्नेहा उलालले अभिनेता सलमान खानका साथ फिल्म ‘लकीः नो टाइम फर लभ’बाट डेब्यू गरेकी थिइन् । उनलाई देख्दा जोकोहीले पनि ऐश्वर्या रायको जुम्ल्याहा नै ठान्छन् । रोचक कुरा के छ भने सलमानले स्नेहालाई फिल्ममा ल्याउदा सलमानको ऐश्व्र्यासाग ब्रेकअप भइसकेको थियो ।
अभिनेत्री दीपशिखा नागपाल सानो पर्दामा नाम चलेकी कलाकार हुन् । उनले कैयौं टेलिभिजन सिरियलमा काम गरिसकेकी छन् । उनलाई सबैभन्दा पहिला दर्शकले फिल्म ‘कोयला’मा नोटिस गरेका थिए । त्यसपछि उनले ‘बादशाह’, ‘पार्टनर’, ‘प्यार में ट्विस्ट’ र ‘कर्पोरेट’सहित कैयौं फिल्ममा काम गरिन् । उनको अनुहार प्रख्यात अभिनेत्री परवीन बाबीसँग मिल्दोजुल्दो छ ।
