बलिउडमा अफेयर हुनु आम कुरा हो । हरेक जोकोहीलाई पनि कोही अभिनेत्रीको जीवनमा के चलिरहेको छ भन्ने खुलदुली हुन्छ नै । यो रिपोर्टमा उमेरले ४० कटेपछि विवाह गरेका अभिनेत्रीहरुको जीवनशैलीलाई प्रस्तुत गरेका छौं ।
अभिनेत्री पूजा बत्राले गत वर्ष बलिउड अभिनेता नवाब शाहसँग विवाह गरिन् । दुवै कलाकारको विवाहले फ्यानलाई चकित बनाएको थियो । विवाहको बेला पूजाको उमेर ४२ थियो ।
अभिनेत्री उर्मिला मातोडकर आफ्नो समयको बोल्ड र सुन्दर अभिनेत्री थिइन् । उनले ४२ वर्षको उमेरमा मोडल मोहसिन अख्तर मीरसँग विवाह गरिन् ।
अभिनेत्री लीजा रेले पनि ४० वर्षको उमेरमै पूर्व मेनेजमेन्ट कन्सल्टेन्ट जैसोनसँग विवाह गरिन् । लीजाले क्यान्सरसँगको लडाइँलाई जितिसकेकी छन् ।
अभिनेत्री सुहासिनी मुलेले आफ्नो सुन्दरताले सबैमाझ अलग पहिचान बनाएकी छन् । सुहासिनीले १६ जनवरी २०११ मा ४० वर्षको उमेरमा डाक्टर अतुलसँग विवाह गरिन् । त्यो समयमा सुहासिनी अतुल भन्दा करिब २० वर्ष कान्छी थिइन् ।
चालिसेको सूचीमा बलिउडका दिग्गज अभिनेत्री नीना गुप्ता पनि पर्छिन् । नीनाको अफेयर वेस्ट इण्डिज टिमका स्टार ब्याट्समेन विवियन रिचर्ड्ससँग थियो । यद्यपि उनले ४९ वर्षको उमेरमा प्रख्यात चार्टर्ड एकाउन्टेन्ट विवेक मेहरासँग विवाह गरिन् ।
बलिउड अभिनेत्री प्रीति जिन्टा लामो समयसम्म नेस वाडियासँग सम्बन्धमा रहिन् । तर दुवैको अफेयरले विवाहमा पूर्णता पाएन । प्रीतिले ३९ वर्षको उमेरमा सन् २०१६ मा जीन गुडेनफसँग विवाह गरिन् । दुवैको विवाहको फोटो सामाजिक सन्जालमा भाइरल भएको थियो ।
फराह खान बलिउडकी प्रख्यात निर्देशन र कोरियोग्राफर हुन् । उनले ३९ वर्षको उमेरमा शिरीष कुन्दरसँग विवाह गरेकी थिइन् ।
अभिनेत्री रानी मुखर्जीको सफल करियर जस्तै उनको लभलाइफ पनि सफल रह्यो । रानीले सन् २०१४ मा उद्योगका प्रख्यात निर्माता निर्देशक आदित्य चोपडासँग विवाह गरिन् । उनी ३६ वर्षकी थिइन् ।