लोकप्रिय अभिनेत्री निरुता सिंहको आज जन्मदिन परेको छ । जन्मदिनको अवसरमा निरुतालाई बिहानैदेखि शुभकामना दिनेको ओइरो लागेको छ ।
२०५० सालमा रिलिज भएको दक्षिणा फिल्मबाट निरुताले नेपाली फिल्म नगरीमा डेब्यू गरेकी सुन्दरी नायिका न्रिुता पछिल्ला दिनमा भारतको मुम्बईमा बस्दै आएकी छिन् ।
भारतको कालिङपोङमा जन्मिएकी उनलाई पारिवारिक नाता पर्ने निर्देशक तुलसी घिमिरेले शताब्दीको खोज उपशिर्षक सहित हिरोइनका रुपमा डेब्यू गराएका थिए । उनलाई हिरोइन बनाउँन पहिलो सिफारिस चाँहि घिमिरेका ससुरा एवं बरिष्ठ संगीतकार रन्जित गजमेरले गरेको बताइन्छ ।
एक समय नेपालका ‘रोना धोनावाला’ फिल्मको पर्यायजस्तै थिइन्, अभिनेत्री निरुता सिंह। फिल्म ‘दक्षिणा’ बाट नेपाली सिनेमामा प्रवेश गरेकी उनले त्यसपछिको एक दशक यस्तै भूमिकामा एकछत्र राज गरिन्।
उनले अभिनय गरेका ‘आफ्नो मान्छे’, ‘दर्पण छायाँ’, ‘ठूल्दाइ’ लगायत फिल्म हिट छन्।
दर्जनौ हिट फिल्म दिएकी निरुताले पछिल्लो समय दाल भात तरकारी र क्याप्टेनमा काम गरेर तारिफ बटुलेकी छिन् । निरुताको जन्मदिनमा उनलाई शुभकामना ।
