बलिउड अभिनेता सुशान्त सिंह राजपूतको निधन पछि फिल्म उद्योगलाई लिएर विभिन्न किसिमका खुलासाहरु भइरहेका छन् । जुन खुलासा आफैंमा चकित पार्ने किसिमको छ । अभिनेत्री कंगना रनावतले ९० प्रतिशत बलिउडकर्मी दुव्र्य सनमा रहेको दाबी गरेकी छन् । यो विषयमा हाल अनुसन्धान भइरहेको छ । बलिउडमा यस्ता केही पार्टीहरु छन्, जसमा सेलिब्रेटीको गतिविधि अजिब किसिमको छ ।
बलिउडका भाइजान अर्थात सलमान खानको पार्टी बलिउडमा निकै लोकप्रिय मानिन्छ । जुन कुराको प्रमाण सार्वजनिक केही तस्बिरमा देखिन्छ । सलमान निकट स्रोतका अनुसार अक्सर उनी पार्टीमा अर्धनग्न हुन्छन् । त्यहीकारण उनको पार्टी शैली लोकप्रिय छ ।
वर्तमान समयमा अभिनेता अर्जुन रामपाल र शाहरुख खानको सम्बन्ध कस्तो छ भन्ने कुरा सायदै त बलिउडका कोही पनि जानकार छैनन् । तर एक समय थियो, शाहरुख केही पार्टी गर्नुपर्यो भने त्यो पार्टीमा अर्जुन रामपालको उपस्थिति अनिवार्य झैं थियो ।
फिल्मको पर्दामा अभिनेता रणवीर सिंहलाई निकै शक्तिशाली देखाइन्छ । अर्थात् उनको काम गर्ने शैली चाख लाग्दो हुन्छ । कमैलाई थाहा होला कि उनी पार्टीमा पनि उत्तिकै शक्तिशाली हुन्छन् । रणवीरलाई नजिकबाट चिन्नेहरुका अनुसार उनी प्रायः पार्टीमा हद पार गर्दछन् ।
अभिनेता ऋतिक रोशन शरीर हेर्दा उनी पार्टीका शौखिन हुन् भन्ने कसैले विश्वास गर्न सक्दैनन् । तर ऋतिक पार्टीका फ्यान हुन् । उनी कहिलेकाँही नजिकका साथीभाइसँग भेला भएर पार्टी गर्छन् । साथीहरुसँग आँखा झिम्क्याउने, नखरा देखाउने शैली पार्टीमा लोकप्रिय छ ।
बोलीका कारण विवाद र चर्चामा आइरहने अभिनेत्री कंगना रनावत पनि पार्टी भनेपछि हुरुक्कै हुन्छिन् । उनी आफू पनि पार्टी गर्छिन् र आफ्ना नजिकका साथीभाईको पार्टीमा पनि अनिवार्य उपस्थित हुन्छिन् । गायक मिका सिंह र विवादास्पद मोडल राखी सावन्तको एक पार्टीको घटना सबैमाझ अझैं स्मरणीय छ । मिकाले आफ्नो जन्मदिनमा राखेको पार्टीमा राखीलाई चुम्बन गरेपछि उनी विवादमा तानिए नै, उनको कामको चर्चा पनि भएको थियो ।
एकसमय अस्मित पटेल र वीना मलिकको क्यामेष्ट्रीले बलिउड निकै गर्माएको थियो । एक पार्टीमा अस्मितले विनालाई जाम खुवाएको तस्बिर सामाजिक सन्जालमा निकै भाइरल भएको थियो ।
अभिनेत्री आलिया भट्ट डिस्को पार्टीमा खुबै रमाउछिन् । त्यहीकारण पनि व्यस्त सुटिङ दैनिकीको काम सकिनासाथ उनी साथीभाई लिएर डिस्को पुग्छिन् । पार्टीमा उग्रताको रुप देखाउनेमा राखी सावन्त पनि अग्रस्थानमा पर्छिन् । त्यहीकारण पनि उनीसँग पार्टीमा सहभागी हुनेहरु मदिरामा लठ्ठिएपछि राखीलाई सम्हाल्न गाह्रो हुने अनुभव सुनाउछन् ।
अभिनेता शक्ति कपुरलाई सन् ८० को दशकमा बलिउडकै ब्याडमेनका रुपमा चिनिन्थ्यो । फिल्ममा व्याडमेन भए पनि वास्तविक जीवनमा विशेषत पार्टीमा उनी त्यो छविलाई देखाउँछन् । अभिनेत्री विना मलिकलाई एक पार्टीमा चुम्बन गरेको दृश्य अझैं पनि दर्शकको मानसपटलमा जीवित नै छ ।